DILONGIESHA 40
Tui kuikala batokane ku meso ku’Efile Mukulu naminyi?
Banda kupuandikisha nyina muana sha kifulo alumbula muana aye bua kuenda ku kalasa. Bashinkamisha’shi bapu kuitumpa, n’ashi bilamba biaye mbilombane na mbitokie. Bino abimupa mbidi bukome na abilesha bangi’shi baledi baye abamupasukila. Mu mushindo umune, Nshetu a kifulo Yehowa, akumina’shi tuikale batokane ku mbidi na mu binangu. Nsaa yatudi batokane, abitukuasha atue banabene na abipa Yehowa kinemo.
1. Tui kuikala batokane ku mbidi naminyi?
Yehowa etulungula’shi: “Ikalaayi beeselele.” (1 Mpyeele 1:16) Bua kuikala beselele abitungu tuikale batokane ku mbidi na mu binangu. Tui kuikala batokane ku mbidi, p’atue kuitumpa mema efuku dioso na kulama bilamba, nshibo na motoka wetu na makenda kushi butshafu. Tui kukuasha dingi mu kutumpa kua Nshibo yetu ya Bufumu. Su atushala na makenda ku mbidi, atupa Yehowa kinemo.—2 Bena-Kodinda 6:3, 4.
2. Abitungu tusukie biubishi kinyi bua kuikala batokane?
Bible etulungula’shi: ‘Twitoosheeyi’twe banabene ku butete booso bwa ku mbidi na bwa mu kikudi.’ (2 Bena-Kodinda 7:1) Bino abilesha’shi abitungu tusukie kintu kioso ki kuluisha mbidi sunga binangu bietu. Abitungu tuikitshishe bua kusuka mianda i bubi bua’shi binangu bietu bisankishe Yehowa. (Misambo 104:34) Abitungu tuikale dingi na ngakuilo e buwa.—Badika Bena-Kolose 3:8.
Nkinyi dingi kia kuituikasha be butete ku mbidi sunga mu binangu? Bingi bintu mbilombene kuluisha mbidi yetu. Nyi buakinyi atusukaa bintu bu nfuanka, kabangi na bingi bintu abikoluanaa. P’atusuku bino bintu, atuikala na mbidi bukome n’atulesha’shi atunemeka kia buntu kia muwa. Atuikitshishaa dingi bua kuikala batokane mu binangu p’atue kusuka biubishi bi bubi bu kufinafina bipindi bia mbidi bia bufu bua kuipuila lukalo lua kusangisha mbidi sunga kutala pornografi. (Misambo 119:37; Bena-Efeso 5:5) Bi kuikala bukopo kukambila bino biubishi, anka Yehowa e kuitukuasha bua koobesha.—Badika Yeeshaya 41:13.
TUKIMBUULE BOSO
Tutale buakinyi kuikala na mankenda akupa Yehowa kinemo, na biatudia kukambila bikitshino bibubi.
3. Kuikala batokane ku mbidi akupa Yehowa kinemo
Tui kumona bi mueneno a Yehowa pabitale kuikala batokane pa kutalula miiya ibapele bena Isaleele a kala. Badika Efilu 19:10 na 30:17-19, akupu nuisambile ino nkonko ailondo:
Ino verse ibalesha kinyi pabitale mueneno a Yehowa a kuikala batokane ku mbidi?
Mbiubishi kinyi bi buwa bia nkukuasha bua kuikala mutokane ku mbidi?
Abiata nsaa bua kuikala batokane ku mbidi na abitungu kuikitshisha. Tui kuibikita sunga tuekala mbalo kinyi sunga tuekala balanda sunga ba mpeta. Tala VIDEO, akupu nuisambile luno lukonko alulondo.
Kulama bintu bietu kalolo na makenda akupa mudimo wetu wa bulungudi kinemo naminyi?
4. Kambila biubishi bibubi
Yehowa e kuitukuasha bua kukambila kiubishi kioso ki bubi
Su otomo nfuanka sunga bintu abikoluanaa, we kuuka biabikalaa bukopo kukambila bino biubishi. Nkinyi ki bia nkukuasha? Tala bukitshishi bui na bino biubishi koodi. Badika Mateo 22:37-39, akupu nuisambile bukitshishi bui nabo kutoma kua nfuanka na bingi bintu abikoluanaa . . .
ku kipuano kia muntu na Yehowa.
kui kifuko kia muntu na bangi bamuifunyishe.
Ata mpango bua kukambila biubishi bi bubi.a Tala VIDEO.
Badika Bena-Fidipe 4:13, akupu nuisambile luno lukonko alulondo:
Kuela nteko efuku dioso, kuilongiela na kutuela mu bisangilo misango yoso kui kupa muntu bukome bua kukambila biubishi bi bubi naminyi?
5. Kimba bia kukambila binangu na bikitshino bi butete
Badika Bena-Kolose 3:5, akupu nuisambile ino nkonko ailondo:
Atuku naminyi’shi pornografi, kufinafina bipindi bia mbidi na kuitumishena ma mesage a mianda i butete kui bubi ku meso kua Yehowa?
Omono’shi abitutekie Yehowa bua kuikala batokane mu binangu bi buwa? Buakinyi wamba biabia?
Tala biodia kukambila binangu bi butete. Tala VIDEO.
Yesu badi mutushe kileshesho akilesha’shi abitungu tuate kitshibilo kia kushala beselele mu binangu. Badika Mateo 5:29, 30, akupu nuisambile luno lukonko alulondo:
Sunga biekala’shi Yesu tabadi akuila bua kuluisha mbidi yetu, anka etutekie bua kukita kintu kampanda. Omono’shi kinyi kilombene kukita muntu bua kukambila binangu bi bubi?b
Su okuete kuitatshisha bua kukambila binangu bi bubi, Yehowa amono kuitatshisha kobe. Badika Misambo 103:13, 14, akupu nuisambile luno lukonko alulondo:
Su okuete kuikitshisha bua kukambila biubishi bi bubi kino kifundue akikunyingisha bua kutungunuka na kuibikita naminyi?
Tungunuka, tokokanga!
Bi kuikala bibofule bua kuamba’shi ‘ntangobesha, nakoko.’ Banda kunangushena shi: Muntu kuete kusuka lubilo bakokola bapono, nkuamba’shi te bia nkafika kuende sunga’shi te bia kubanga dingi kusuka lubilo su? Nya. Mu mushindo umune, su bopono dimune tabilesha’shi tue bia kobesha kukambila biubishi bi bibu nya. We kuikala’nka na muloo bua matabula odi mupue kuela. Muanda muntu oso e nka bia kupona, nka bu biabifikilaa bantu boso. Biabia tokokanga! Ku bukuashi bua Yehowa, we kukambila biubishi bi bubi.
BANGI ABAMBA’SHI: “Tabidi mu mase. Ntshi bia kuimika nya.”
Nkifundue kinyi kiodi mulombene kufubisha bua kulesha muntu’shi Yehowa e kumukuasha bua kuleka biubishi bi bubi?
MU KIKOSO
Atusankisha Yehowa su atutungunuka na kuikala batokane ku mbidi, mu binangu na mu muikelo wetu.
Kuambuula
Buakinyi bi na muulo bua kuikala batokane?
We kuikala mutokane ku mbidi naminyi?
We kushala mutokie mu binangu na mu muikelo obe naminyi?
TALUULA DINGI
Mianda kinyi ipelepele yodia kukita bua kuikala na mankenda ku mbidi sunga wekala mulanda?
Tala matabula odia kukita bua kuleka kutoma nfuanka.
Tala bukitshishi bui na pornografi.
“Pornografi—Mmulombeene nkufwishila masaku su?” (Kitenta kia Mulami, 1/8/2013)
Tala bibadi ungi muana mulume mukambile kutala pornografi.
“Naadi mupone misango ibungi kumpala kwa kushaala munyingye” (Kitenta kia Mulami No. 4 2016)
a Muisambo wi mu kipindi kia Taluula dingi wa mu Pasukayi! wi mu dino dilongiesha awamba’shi “Bia kuleka kutoma,” aupatuula matabula alombene nkukuasha bua kukambila biubishi bi bubi.
b Bua kupeta bukuashi bua kukambila kufinafina bipindi bia mbidi bia bufu, tala muisambo awamba’shi: “Ne kukambila kiubishi kia kufinafina bipindi bia mbidi bia bufu naminyi?” wi mu mukanda Les jeunes s’interrogent. Réponses pratiques, [volime 1], shapitre 25.