Bia kufubisha mishindo ya kubanga muisambo

Bakuetu abafubaa ngofu bua kulumbuula mishindo ya kubanga muisambo, na balungundi bebungi mbeyipete’shi ayikuasha mu ma terituare aabo. Bu biabidi’shi mianda ngilekene mu nsega ishima, balungundi be na bulungantu bua kushintula mayele aabo mu mudimo wa bulungundi, sunga kuakuila ungi muanda ausankisha bantu be mbalo yabadi. Sunga biabia, abintungu bantu boso bakokiele mayi a kulonda pabitale kampanye ke pa buako. Kabingilo ketu nka kukumbasha eyi dia Yesu dia kulungula mukandu wi buwa wa Bufumu.​—Mat 24:14.

Nsaa yodi na mudimo mu bisangilo, abintungu ofubishe mutue wa muanda wabadi baleshe mu kipindi akiamba’shi: mishindo ya kubanga muisambo ki mu Programe a bisangilo bia buina Kidishitu na mudimo wetu. Su takui kitunduilo, nui bulungantu bua kufubisha lungi lukonko, kinfudue, lukonko bua kualukiila, sunga mianda kampanda i mu terituare enu ayikaka binangu bia bantu. Bino abishitula mayi a kulonda abatupetele mu programe a bisangilo bia​—buina Kidishitu na mudimo wetu a mueshi wa 6/2020 muisaki dia 8.