Të gëzojmë me rritjen që jep Perëndia
1 Të krishterët e shekullit të parë ishin predikues të zellshëm të Mbretërisë. Ata gëzonin, kur ‘kongregacionet rriteshin në numër nga dita në ditë’. (Vep. 16:5, BR) Predikimi i tyre i guximshëm u shtri në Azi, Evropë dhe Afrikë, duke shpënë në një korrje të mbarë besimtarësh.
2 Jezui paratha se në ditët e fundit, vepra e predikimit do të arrinte në ‘të gjithë tokën e banuar dhe në të gjitha kombet’. (Mat. 24:14, BR) Gjatë vitit të shërbimit 1996, vazhduam të merrnim raporte të rritjes së mrekullueshme dhe të maksimumeve të reja nga vende rreth e qark globit. Janë formuar shumë kongregacione të reja. Kjo rritje e shpejtë ka bërë të nevojshme ndërtimin e qindra Sallave të reja të Mbretërisë dhe Sallave të Asambleve, si edhe zgjerimin e disa ndërtesave të degëve.
3 Shërbimi Ynë i Mbretërisë për muajin gusht 1996, raportonte mbi shtrirjen e veprës së ndërtimit që po ndodh në Afrikë. Një aktivitet i ngjashëm po ecën përpara në Amerikën Latine. Për vitin e shërbimit 1996, Meksika raporton një maksimum mahnitës prej 470.098 lajmëtarësh dhe një mesatare prej 600.751 studimesh biblike, gjë që kërkon formimin e 466 kongregacioneve të reja! Zgjerimi i ndërtesave të tyre të degës është programuar që të përfundojë nga fundi i vitit 1998. Rritja e ngjashme në shumë vende të tjera nuk lejon ndërprerje lidhur me llojet e ndryshme të projekteve të ndërtimit teokratik.
4 Kostoja e ndërtimit është e lartë kudo dhe vëllezërit tanë në shumë vende, kanë pak për të kontribuar materialisht. Megjithatë, nga zelli i tyre i madh për t’i shërbyer Jehovait, ata me siguri po rriten frymësisht dhe në numër. Proverbat 28:27 na siguron se «ai që i jep të varfërit, nuk do të ketë kurrë nevojë». Gatishmëria jonë për të ndihmuar në mbulimin e nevojave të këtyre vëllezërve, si dhe në kostot e ndërtimit, shpien në një «barazim» të gjërave materiale, duke u dhënë mundësi të gjithëve të përjetojnë lumturinë që vjen duke dhënë dhe gëzimin që vjen, duke parë rritjen që jep Jehovai!—2. Kor. 8:14, 15; Vep. 20:35.
[Figura në faqet 4, 5]
Dega e Paraguajit
[Figura në faqen 4]
Dega e Ekuadorit
[Figura në faqet 4, 5]
Në Meksikë, zgjerimi në ndërtim e sipër
[Figura në faqet 4, 5]
Dega e Republikës Dominikane
[Figura në faqen 4]
Dega e Brazilit me zgjerimin
[Figura në faqet 4, 5]
Dega e Uruguajit në ndërtim e sipër
[Figurat në faqen 5]
Salla Mbretërie tipike me buxhet të vogël në Amerikën Latine
1. Brazil
2. Nikaragua
3. Kili
4. Kolumbi
5. Meksikë
6. Brazil
7. Peru
8. Venezuelë
9. Meksikë