Përdor Gëzoje jetën përgjithmonë në shërbim

Sa të emocionuar jemi që do të përdorim broshurën dhe librin e ri për të drejtuar studime! Lutemi që Jehovai t’i bekojë përpjekjet tona për të bërë më shumë dishepuj. (Mt 28:18-20; 1Ko 3:6-9) Si do t’i përdorim?

Kursi interaktiv i Biblës, Gëzoje jetën përgjithmonë, ka një metodë të re mësimdhënieje, prandaj ndiqni këto udhëzime të përgjithshme gjatë përgatitjes dhe gjatë studimit.a

• Lexoni materialin dhe diskutoni pyetjet

• Lexoni shkrimet që thonë «lexoni» dhe ndihmojini studentët të kuptojnë si aplikohen

• Shihni dhe diskutoni videot me anë të pyetjeve përkatëse

• Përpiquni ta përfundoni secilin mësim brenda një seance

Në shërbim, ofroni fillimisht broshurën, që të përcaktoni sa interes ka personi. (Shih kutinë «Si ta ofrojmë broshurën Gëzoje jetën përgjithmonë në bisedën e parë».) Nëse mbaroni broshurën së bashku dhe studenti dëshiron të vazhdojë, ofrojini librin dhe fillojeni studimin në mësimin 04. Nëse po studioni me dikë librin Çfarë na mëson Bibla? ose ‘Ruaj veten në dashurinë e Perëndisë’, kaloni te libri Gëzoje jetën përgjithmonë dhe vendosni nga cili kapitull ta vazhdoni studimin.

SHIHNI VIDEON LE TË NISË KURSI YT PËR STUDIMIN E BIBLËS! DHE PASTAJ PËRGJIGJJUNI PYETJEVE TË MËPOSHTME:

• Çfarë do të mësojnë studentët nga libri i ri?

• Pse duhet t’ua tregoni këtë video atyre që sapo fillojnë të studiojnë?

• Pak e nga pak, cilat synime duhet ta inkurajoni studentin të vërë dhe të arrijë?—Shih tabelën «Çfarë mund të arrihet në secilën pjesë».