Studio për të inkurajuar të tjerët

Studimi mund të jetë burim freskie, por kur i ndajmë me të tjerët xhevahiret inkurajuese që gjejmë, mund të përtërihemi akoma më shumë. Proverbat 11:25 thotë: «Kush është burim freskie për të tjerët, do të ripërtërihet edhe vetë.»

Kur i ndajmë me të tjerët ato që mësojmë, na nguliten më mirë në mendje dhe i kuptojmë më qartë. Gjithashtu ndihemi të lumtur, sepse po u tregojmë xhevahire që mund t’u sjellin dobi.—Vep. 20:35.

Provo këtë: Gjatë javës së ardhshme kërko mundësi për t’i treguar dikujt tjetër çfarë ke mësuar. Mund të jetë një pjesëtar i familjes, dikush në kongregacion, një shok pune, një shok shkolle, një fqinj ose dikush që takon në shërbim. Përpiqu t’ia thuash atë informacion me fjalët e tua, sa më thjesht e qartë.

Mbaj parasysh: Tregojua të tjerëve atë që ke mësuar për t’i inkurajuar, jo për t’u bërë përshtypje.—1 Kor. 8:1.