Të zgjedhim pika të përshtatshme bisedimi
1 Çfarë mund të bëjmë për të inkurajuar personat që të lexojnë rregullisht Kullën e Rojës? Kur i ftojmë për të lexuar revistat, duhet të kemi në mendje pika interesante për të folur. Nëse kemi mësuar t’i njohim mirë personat e territorit dhe kur lexojmë personalisht revistat mendojmë mbi ta, mund të kërkojmë që të veçojmë pika të përshtatshme bisedimi që t’i përdorim për të ngjallur interesin e tyre.
2 Disa zona kanë përbërje etnike ose shoqërore mjaft të ngjashme, prandaj nuk është e vështirë të përgatitesh mbi një argument me interes të përgjithshëm. Ndërsa në lokalitete të tjera gjejmë persona që vijnë nga ambiente shumë të ndryshme. Nëse kemi në mendje pika të ndryshme të përshtatshme bisedimi, mund të zgjedhim herë pas here atë më të përshtatshmen për dëgjuesin tonë.
3 Mos nxitoni t’i lini mënjanë numrat e kaluar të revistave vetëm sepse keni marrë numrat e rinj. Një vëlla zakonisht i tregon personit tre ose katër numra të Kullës së Rojës dhe e fton që të zgjedhë atë që preferon. Nëse marrim revista më tepër sesa kemi mundësi për të shpërndarë, duhet të rregullojmë porosinë tonë.
4 Duke përdorur gjithmonë pika të përshtatshme bisedimi mund të nxitim të tjerët të lexojnë revistat tona dhe ndoshta mund t’u ndihmojmë që të ecin në rrugën e jetës. (Mat. 7:14) Nëse i kushtojmë vëmendjen e duhur këtij aspekti të rëndësishëm mund të jemi të sigurtë për bekimin e Jehovait.