Ndihmo të tjerët të fitojnë njohurinë që të çon në jetë
1 Apostulli Pavël shpjegoi se është ‘dëshira e Perëndisë që gjithë njerëzit të shpëtohen dhe t’ia arrijnë njohjes të së vërtetës’. (1. Tim. 2:4) Si mund t’i ndihmojmë të tjerët që të marrin këtë njohuri? Një mënyrë është duke u bërë rivizita personave, interesi i të cilëve është nxitur nga libri Njohuria që të çon në jetën e përhershme. Ky botim paraqet të vërtetën biblike me një gjuhë të pastër, të thjeshtë dhe të zgjedhur mirë. Duke e studiuar atë, njerëz të çdo lloji mund të drejtohen drejt jetës. Çfarë mund të themi për të inkurajuar të tjerët që të fillojnë ta studiojnë atë me ne?
2 Për ata që kanë treguar një interes për Biblën si një drejtim praktik, mund të kthehesh për t’u ofruar një studim, ndoshta duke thënë:
◼ «Kur kam qenë këtu herën e parë, diskutuam se përse mund të besojmë që Bibla është një burim praktik për drejtim. Duke qenë se Bibla është e frymëzuar nga Perëndia, ajo është gjithashtu një burim i sigurt ngushëllimi dhe shprese, ashtu siç deklaroi edhe një prej apostujve të Krishtit. [Lexo Romakëve 15:4.] Në mbarim të bisedës sonë të fundit, unë ngrita një pyetje: si mund të përfitojmë ne personalisht nga njohuria që përmban Bibla?» Lexo paragrafin 18 në faqen 11 në librin Njohuria. Trego që Dëshmitarët e Jehovait janë duke drejtuar rreth pesë milionë studime biblike në tërë botën, duke ndihmuar njerëzit kudo që të marrin njohurinë e cila të çon në jetën e përhershme. Tregoji një demonstrim të shkurtër se si drejtohet një studim, duke përdorur pesë paragrafët e parë në kapitullin 1.
3 Në qoftë se lutja në vizitën e parë ishte tema me të cilën diskutove me dikë, mund të provosh këtë hyrje në përpjekje për të filluar një studim:
◼ «Shpresoj që t’ju ketë pëlqyer informacioni rreth lutjes, që diskutuam nga libri Njohuria që të çon në jetën e përhershme. Ju premtova se do të kthehesha përsëri që të diskutonim se si ata që i luten Perëndisë, e dëgjojnë atë të përgjigjet. Vëre këtë deklaratë në faqen 158. [Lexo paragrafin 18.] Kështu, duke studiuar personalisht Biblën, ne po dëgjojmë se si na përgjigjet Perëndia. Duke e bërë këtë i afrohemi atij dhe kjo na ndihmon për të përballuar problemet e përditshme për të cilat lutemi. Do të isha i kënaqur të studioja Biblën me ju.» Nëse personi është i gatshëm, fillo me kapitullin e parë të librit Njohuria.
4 Nëse ke përdorur një hyrje direkte për të filluar një studim, për të çuar më tej diskutimin e parë, mund të thuash:
◼ «Bëra një përpjekje të veçantë për t’ju vizituar përsëri, sepse desha t’ju tregoja më shumë për programin tonë, pa pagesë, të studimit të Biblës. Ju lashë një kopje të këtij libri, Njohuria që të çon në jetën e përhershme, i cili është studimi ndihmës që ne përdorim. Vëre se si na inkurajon ne konsiderimi i Fjalës së Perëndisë. [Lexo paragrafin 23 në faqen 22.] Nëse do t’ju pëlqente, merreni kopjen tuaj të librit dhe kështu ndoshta mund të vazhdojmë duke studiuar aty ku e kemi lënë herën e fundit.» Nëse nuk ishte filluar një studim në fillim, mund të thuash: «Ndoshta kjo do të ishte një kohë e përshtatshme, për t’ju treguar se si e studiojmë ne Biblën.» Pasi të keni konsideruar disa paragrafë, merr masa që të lësh një orar të caktuar për studimin tjetër.
5 Duke përdorur efektivisht librin Njohuria, do të kemi mundësi të përhapim njohuri të saktë në bekim të të tjerëve. (Prov. 15:7) Një njohuri e tillë do t’u sjellë gëzim atyre që janë të drejtë në zemër dhe do të jetë një nxitje e fuqishme për ta që të jetojnë në harmoni me drejtësinë e Jehovait, duke u drejtuar përfundimisht drejt jetës së përhershme.