Jepi Lajmërim i Mbretërisë Nr. 35 një shpërndarje të gjerë
1 Tetori dhe nëntori do të jenë muaj të ngarkuar për secilin prej nesh. Gjatë 11 ditëve të para të tetorit, do të ofrojmë numra të veçantë të revistave Kulla e Rojës dhe Zgjohuni! Pastaj, nga e diela, në 12 tetor, deri të dielën, në 16 nëntor, do të bashkohemi në shpërndarjen mbarëbotërore të Lajmërim i Mbretërisë Nr. 35. Do të jetë privilegji ynë për t’u çuar një mesazh të rëndësishëm të gjithë njerëzve në zonën tonë. Ky mesazh është përgjigjja e pyetjes: «A do ta duan ndonjëherë të gjithë njerëzit njëri-tjetrin?» Gjatë kësaj fushate speciale, gjatë javëve do të shpërndajmë Lajmërim i Mbretërisë Nr. 35. Gjatë fundjavëve, përveç prezantimit të Lajmërim i Mbretërisë, do të prezantojmë edhe numrat e fundit të revistave.
2 Kush mund të marrë pjesë? Si zakonisht, pleqtë do të jenë në ballë të veprës. Çdo njeri gjen kënaqësi në shpërndarjen e Lajmërim i Mbretërisë dhe pa dyshim një numër shumë i madh lajmëtarësh do të regjistrohen si pionierë ndihmës gjatë njërit apo të dy muajve të fushatës. Lajmëtarë të tjerë do të dëshironin të harxhonin më shumë kohë se zakonisht në shërbim.
3 A ke një student biblik që ka përparuar shumë në studimin e librit Njohuria dhe që së shpejti do të kualifikohet për t’u angazhuar në shërbimin në fushë? Ndoshta ai mund të bëhet një lajmëtar i papagëzuar në këtë periudhë për t’u angazhuar në fushatën e shpërndarjes së Lajmërim i Mbretërisë. Një prezantim i thjeshtë është gjithshka e nevojshme për të prezantuar fletushkën. Për shembull, dikush mund të thotë: «Ky mesazh është kaq i rëndësishëm sa që po shpërndahet këtë muaj në 169 gjuhë. Do të më pëlqente që edhe ju të kishit kopjen tuaj personale.» Edhe fëmijët e vegjël mund të kenë një pjesëmarrje domethënëse në këtë vepër gjallëruese.
4 Drejtuesit e studimit të librit duhet të inkurajojnë çdo anëtar të grupit të tyre për të pasur një pjesëmarrje të plotë në shpërndarjen e Lajmërim i Mbretërisë Nr. 35. Mund të jenë lajmëtarë, gjithashtu, ata që janë bërë joaktivë, por që nëse marrin inkurajimin e duhur do të jenë përsëri aktivë në shërbim. Përpara fushatës, pleqtë duhet të vizitojnë secilin prej tyre për të parë se çfarë mund të bëhet për t’i ndihmuar ata që të shoqërohen me lajmëtarë me përvojë në këtë aspekt të shërbimit.
5 Kur mund të mblidhemi për shërbim? I gjithë ky aktivitet do të kërkojë rregullimet e dëshmisë si grup që janë, si të volitshme edhe praktike. Kudo që është e mundur, mbledhjet për shërbim duhet të jenë të organizuara për çdo ditëjave, gjatë fundjavëve dhe në mbrëmje. Ato duhet të mbahen në orare që do t’u bëjnë të mundur lajmëtarëve dhe pionierëve të shfrytëzojnë në mënyrë më të plotë periudhën e dëshmisë. Mund të bëhen rregullime për t’u mbledhur pasditeve vonë, për dobinë e studentëve të shkollës, punëtorëve që punojnë me turne dhe të tjerë. Mbikëqyrësi i shërbimit duhet të sigurohet që do të ketë në dispozicion mjaft territor nga shtëpia në shtëpi dhe tregtar kështu që çdokush mund të marrë pjesë plotësisht në vepër. Aty ku ka shumë lajmëtarë në një zonë, duhet të jenë të arsyeshëm se sa do të punojnë në pjesën e territorit të dhënë.
6 Çfarë mund të themi për ata që nuk janë në shtëpi? Ne duhet të flasim personalisht me aq pronarë shtëpie sa është e mundur për t’u shpjeguar, përse ata duhet të lexojnë Lajmërim i Mbretërisë Nr. 35. Kështu, nëse nuk ka asnjë në shtëpi kur bën vizitën, mbaj shënim adresën dhe vizitoje përsëri në një kohë tjetër të ditës. Nëse deri në javën e fundit të fushatës përpjekjet e tua për të kontaktuar këta pronarë ende kanë qenë të pasuksesshme, ti mund të lësh një kopje të Lajmërim i Mbretërisë tek dera, në një vend ku nuk mund të shihet nga kalimtarët. Në zonat e banimit, ji vigjilent për t’i ofruar Lajmërim i Mbretërisë individëve që mund të kalojnë gjatë rrugës. Kur je duke punuar në zona fshatare dhe ku ka më tepër territor sesa mund të mbulohet gjatë fushatës, tek ata që nuk janë në shtëpi mund të lësh një kopje në vizitën e parë.
7 Cili është qëllimi ynë? Kongregacionet duhet të përpiqen për ta përdorur të gjithë sasinë e tyre të Lajmërim i Mbretërisë për të mbuluar të gjithë territorin e tyre përpara fundit të fushatës në 16 nëntor. Nëse territori i kongregacionit ku je caktuar është mjaft i madh dhe nëse është diçka pa rrezik të punosh vetëm në vend se me një partner, mund ta konsiderosh praktike të bësh kështu. Kjo do të bëjë të mundur për të arritur me lajmin e mirë aq shumë persona që e meritojnë sa është e mundur. (Mat. 10:11) Mund të jetë dobiprurëse për të mbajtur disa fletushka në duar dhe një Bibël në xhep apo në një çantë të vogël, më mirë se të përdorësh një çantë të madhe. Sigurohu që të mbash një regjistrim të mirë të atyre personave që tregojnë interes.
8 A je gati për të filluar? Pleqtë duhet të mendojnë më parë se sa revista shtesë do t’i nevojiten kongregacionit dhe duhet të bëjnë porositë në përputhje me të. Nuk ka nevojë të porositin Lajmërim i Mbretërisë Nr. 35, meqënëse ngarkesa i dërgohet çdo kongregacioni. Pionierët specialë dhe të rregullt do të kenë për të shpërndarë 1000 kopje secili, ndërsa pionierëve ndihmës dhe lajmëtarëve të kongregacionit do t’u caktohen 200 kopje secilit. Kemi goxha punë për të bërë. A po pret me padurim të marrësh pjesë në këtë aktivitet të këndshëm? Pa dyshim që po. Le t’i japim mesazhit të rëndësishëm të bazuar në Bibël, që ndodhet në Lajmërim i Mbretërisë, shpërndarjen më të gjerë të mundshme!