Të ndihmojmë të tjerët që të nderojnë Krijuesin tonë

¹ A ndihemi edhe ne ashtu si psalmisti kur tha: «O Zot, . . . pranë teje është burimi i jetës»? (Psal. 36:5, 9) Atëherë, si mund t’i ndihmojmë të tjerët që të çmojnë dhe t’i japin nder Jehovait, si Krijuesit tonë? Duke ofruar gjatë qershorit librin Jeta: Si erdhi ajo këtu? Me evolucion apo me krijim? Ky libër është me të vërtetë i jashtëzakonshëm në atë se siguron një dëshmi të fortë të ekzistencës së Perëndisë dhe në mënyrë të qartë tregon se përse evolucioni nuk mund të jetë i vërtetë. Gjithashtu, ai ndërton besimin në Bibël si Fjala e Perëndisë. Sigurisht, ne dëshirojmë që secili të dijë se është krijimi ai që i sjell nder Perëndisë Jehova dhe jo evolucioni. Ja një prezantim i thjeshtë e i drejtpërdrejtë.

² Pas përshëndetjes së pronarit të shtëpisë, tregoji vizatimin në faqen 6 dhe pyete:

◼ «Si filloi jeta në tokë? Disa thonë se ndodhi krejt rastësisht. Bibla ia jep të gjithë meritën Perëndisë. Po ju ç’mendoni? [Lëre të përgjigjet.] Ky libër siguron përgjigje që janë plotësisht në harmoni me Biblën dhe faktet shkencore. Do të doja që edhe ju ta keni atë, që të mund të rishikoni të gjitha dëshmitë dhe pastaj të vendosni ju vetë.»

³ Pasi të jesh prezantuar mund të thuash:

◼ «Në këtë botë moderne shkencore, a është praktike të besohet në krijim, apo mendon se kemi ardhur këtu rastësisht? [Lëre të përgjigjet.] Shiko arsyetimin e Biblës mbi këtë çështje. [Lexo Hebrenjve 3:4.] A nuk je dakort që çdo ndërtesë e ka një ndërtues? Prandaj, a është e mundur që universi të ketë ardhur vetvetiu në ekzistencë?» Trego ilustrimin në faqen 114 të librit Krijimi dhe pastaj tërhiqi vëmendjen në mendimin e shprehur në paragrafin 2, në faqen 115. Nëse pronari i shtëpisë tregon interes dhe e pranon librin, tregoji se në vizitën tjetër do të shqyrtosh pyetjen: Cila është e ardhmja e njeriut dhe e tokës?

⁴ Ose, pas përshëndetjes së pronarit të shtëpisë, mund të thuash:

◼ «Si mendon se dukeshin stërgjyshërit tanë të parë?» [Lëre të përgjigjet] A mendon se dukeshin si ky ‘njeri-majmun’? [Hap faqen 83 të librit Krijimi.] Shiko se çfarë deklaron Bibla tek Veprat 17:26. [Lexoje.] Pra, mbi çfarë janë bazuar vizatimet e ‘njeriut-majmun’? Tërhiq vëmendjen në diçiturën që gjendet poshtë vizatimit në faqen 89. Tregoji pronarit të shtëpisë se ai mund të përfitojë nga leximi i librit dhe mësimi i përgjigjes së kësaj pyetjeje.

⁵ Një tjetër prezantim mund të jetë duke treguar kapakun e librit «Krijimi» dhe duke thënë:

◼ «Sot po i pyesim fqinjët tanë: A erdhi njeriu këtu me evolucion apo me krijim? Po ju ç’mendoni? [Lëre të përgjigjet.] Megjithëse shumica e njerëzve, mjaft të arsimuar, pranojnë evolucionin si fakt, persona të tjerë po ashtu mjaft të arsimuar nuk e pranojnë atë. Vëre përfundimin e nxjerrë nga një ish-astronaut. [Thekso pikat në faqet 122-123.] Ne duhet të shqyrtojmë personalisht dëshmitë për të parë se cilin duhet të besojmë: evolucionin apo krijimin.» Nëse pronari i shtëpisë e pranon librin, lër pezull një pyetje së cilës mund t’i përgjigjesh gjatë vizitës tjetër.

⁶ A dëshiron t’i ndihmosh të tjerët që të mësojnë të vërtetat e mrekullueshme rreth Krijuesit tonë dhe qëllimit të tij të dashur për krijimin e tij? Libri Krijimi mund të të ndihmojë që ta bësh këtë. Ai nderon Krijuesin tonë të madh, Zotin Sovran Jehova, duke lavdëruar veprat e tij dhe duke bërë të njohur qëllimin e tij të mrekullueshëm për të shenjtëruar emrin e tij dhe për të bekuar njerëzimin përmes Mbretërisë së Krishtit.