Të prezantojmë lajmin e mirë me një qëndrim pozitiv
1 Secili prej nesh dëshiron të gjejë gëzim dhe kënaqësi në atë që bën, sidomos në veprën e bërjes së dishepujve. Ç’gjë na e sjell këtë kënaqësi? Ajo fillon me mbajtjen e një qëndrimi pozitiv mendor, ndërkohë që jemi të zënë në veprën e dobishme për të ndihmuar të tjerët. (Prov. 11:25) Mënyra jonë e prezantimit të lajmit të mirë, duhet të tregojë se e besojmë vërtet atë që themi. Nëse flasim nga zemra, atëherë do të dalin në pah sinqeriteti dhe bindja jonë personale. (Luka 6:45) Duke i provuar prezantimet tona, do të ndihemi më të sigurt kur t’u flasim njerëzve në territor. Kjo gjë do të ketë një vlerë të veçantë gjatë shtatorit, kur të ofrojmë librin Jeta: Si erdhi ajo këtu? Me evolucion apo me krijim? Ndoshta sugjerimet e mëposhtme do të jenë të dobishme për ty në prezantimin e lajmit të mirë me një qëndrim pozitiv.
2 Kur ofron librin «Krijimi», gjatë vizitës së parë mund të thuash:
◼ «Duke folur me fqinjët kemi parë se disa njerëz kanë besim te Perëndia. Të tjerë e kanë të vështirë të besojnë në të. Po ju si mendoni? [Lëre të përgjigjet.] Vëre se si arsyeton Bibla për këtë çështje. [Lexo Romakëve 1:20.] Mund të shohim prova të ‘fuqisë së padukshme dhe të hyjnisë’ së Perëndisë, duke vëzhguar gjërat që ai ka krijuar.» Lexo paragrafin e fundit në faqen 48 të librit Krijimi dhe tërhiq vëmendjen në kompleksitetin e qelizës së gjallë. Ose përdor paragrafin 18 në faqen 147 për të treguar se si e nxjerr në pah veprën e një Krijuesi sistemi mahnitës i qarkullimit në një pemë. Ofroji librin personit, nëse ai është dakort që ta lexojë atë. Nëse është dakort, lëri librin dhe shpjegoji se pranojmë me kënaqësi kontribute për veprën mbarëbotërore.
3 Kur kthehesh për të vizituar ata, me të cilët ke trajtuar pozitën e Perëndisë si Krijues, mund të thuash kështu:
◼ Kur ju vizitova herën e parë, folëm për një dëshmi të ekzistencës së Perëndisë: për krijimin e tij të mrekullueshëm. A ju duket e vështirë të besoni se Ai që krijoi universin, do të ishte, gjithashtu, i interesuar për të ardhmen tonë? [Lëre të përgjigjet.] Është me interes të vërejmë se e ardhmja është përcaktuar tashmë nga Krijuesi.» Lexo Isainë 46:9, 10. Sipas interesit të personit përdor figurat dhe diçiturat në kapitullin 19 të librit Krijimi, për të vënë në dukje kushtet ideale që ka premtuar Perëndia. Lexo paragrafin 1 të kapitullit 20 dhe ofro një studim biblik. Nëse pranon, fillo studimin me librin Njohuria.
4 Kur ofron librin «Krijimi», mund të provosh këtë prezantim:
◼ «Duke folur me njerëzit e mëhallës, kam vërejtur se shumica e tyre janë të etur për një shoqëri të sigurt dhe një botë paqësore. Cili është mendimi juaj mbi arsyen përse njeriu ka dështuar në arritjen e këtyre kushteve? [Lëre të përgjigjet.] Disa udhëheqës politikë mund të jenë të sinqertë dhe mund të bëjnë ndonjë gjë të mirë, por vëre se çfarë këshillon Bibla me mençuri.» Lexo Psalmin 146:3, 4 dhe më pas pyet: «A ka ndonjë që mund të plotësojë nevojat e njeriut?» Lexo Ps 146 vargjet 5 dhe 6. Trego figurën në faqen 251 të librit Krijimi dhe tërhiq vëmendjen në dobitë e sundimit të Perëndisë. Ofro librin dhe përmend rregullimin tonë për kontributet.
5 Nëse në fillim është trajtuar sundimi i Perëndisë, gjatë rivizitës mund të ndjekësh këtë sugjerim:
◼ «Pak ditë më parë, kur isha këtu, folëm për dështimin e njeriut për të sjellë paqe të vërtetë në tokë. Ndoshta ju kujtohet se e gjetëm arsyen që jep Bibla për këtë dështim. [Lexo përsëri Psalmin 146:3.] A e vëreni përse Perëndia na këshillon të mos i varim shpresat tek njerëzit? [Lëre të përgjigjet.] Ndoshta pajtoheni me mendimin se të gjitha shpresat për një zgjidhje të përhershme duhet të vijnë nga Perëndia. Arsyeja për të cilën mund të kemi këtë bindje shpjegohet në Psalmin 146:10. [Lexoje.] Çfarë duhet të bëjmë, nëse dëshirojmë të jemi nënshtetas të Mbretërisë së Perëndisë?» Shko në faqen 250 të librit Krijimi, lexo paragrafin 13 dhe thekso Gjonin 17:3. Tregoji se si përmes një studimi të Biblës, miliona njerëz kanë fituar njohurinë që çon në jetën e përhershme. Nëse i zoti i shtëpisë të pranon, paraqit librin Njohuria dhe fillo një studim.
6 Në punën nga dyqani në dyqan, ndoshta mund të përdorësh këtë prezantim të shkurtër me librin «Krijimi»:
◼ «Sot po u bëjmë një shërbim special tregtarëve të kësaj zone. Të gjithë ne jemi të shqetësuar në lidhje me shtimin e krimeve dhe të dhunës në zonën tonë. A mendoni se ekziston ndonjë që zotëron zgjidhjen e vërtetë të këtij problemi? [Lëre të përgjigjet.] Perëndia ka një zgjidhje.» Shko në faqen 196 të librit Krijimi; lexo dhe komento Proverbat 2:21, 22 në paragrafin 19. Trego titullin e kapitullit 16 dhe ofro librin. Shpjego se edhe pse botimi nuk ka një çmim, ne pranojmë kontribute modeste për veprën tonë mbarëbotërore.
7 Kur i bën rivizitë një tregtari, të cilit i ke lënë librin «Krijimi», mund të thuash:
◼ «Në vizitën time të fundit, unë përmenda se Perëndia është i vetmi që ka me të vërtetë zgjidhjen e qëndrueshme për krimet dhe dhunën. Sipas premtimit të tij, ne mund të kemi besim se një tokë parajsore do të bëhet realitet. Vëre zgjedhjen që shtrihet përpara secilit prej nesh.» Lexo paragrafin 11 në faqen 250 të librit Krijimi, duke përfshirë Psalmin 37:37, 38. Komento figurën në faqen 251 dhe lexo frazën e parë të paragrafit 14. Ofro një studim biblik pa pagesë, i cili mund të mbahet në vendin e tyre të punës ose në shtëpi.
8 Si «bashkëpunëtorë të Perëndisë», ne kemi çdo arsye për të qenë pozitivë, kur prezantojmë lajmin e mirë. (1. Kor. 3:9) Mbajtja e këtij qëndrimi do të na sjellë si rezultat bekime të pasura nga Jehovai.