32 E kështu vazhduan t’u jepnin izraelitëve një raport negativ+ për vendin që kishin vëzhguar: «Vendi që përshkuam për ta vëzhguar është një vend që i përpin banorët e vet. Veç kësaj, të gjithë njerëzit që pamë atje, janë burra me shtat të jashtëzakonshëm.+

26 Por ju nuk pranuat të ngjiteshit në atë vend dhe ngritët krye kundër urdhrit të Jehovait, Perëndisë tuaj.+ 27 Qaheshit në tendat tuaja e thoshit: “Jehovai na urrente, prandaj na nxori nga Egjipti për të na dhënë në dorë të amoritëve, që të na shfarosin. 28 Në ç’vend po shkojmë?! Vëllezërit tanë na e mpakën zemrën*+ kur thanë: ‘Atje banon një popull më i madh e më shtatlartë se ne dhe ka qytete të mëdha e të fortifikuara deri në qiell.*+ Atje pamë edhe bijtë e anakimëve.’”+