Sati luku u di Teokalasia-siköö
Woo luku dee hakisi dee sikifi a basu aki a di Teokalasia-siköö a di wiki u 29 u höndima-liba u di jaa 2015. Di wiki di de ta taki u di woto di dë a di hakisi sikifi tu, sö taa u sa öndösuku soni te u ta seeka useei hiniwan wiki da di siköö.
Faandi mbei u sa taki taa Mikali an bi fan bunu ku Dafiti, nöö andi dee sëmbë dee toou sa lei u di woto aki? (2 Sam. 6:20-23) [11 mei, w11-SR 1/8 bld. 12 pal. 1]
Andi di tjabukama Naatan bi du, di Jehovah bi piki ën taa a bi du wan soni di an bunu, u di a bi piki Dafiti taa a sa go mbei wan wosu da Jehovah? (2 Sam. 7:2, 3) [11 mei, w12-SR 15/2 bld. 24 pal. 6, 7]
Faandi mbei Naatan bi konda di woto di dë a 2 Samuëli 12:1-7 da Dafiti, ka faa bi piki ën wantewante taa a bi du wan gaan zöndu? Unfa di woto aki sa heepi u fuu ko dë möön bunu leima? [11 mei, w11-SR 15/2 bld. 24 pal. 2, 3]
Unfa Absalöm du ganjan dee Isaëli sëmbë, nöö unfa u sa tjubi u hati da „dee Absalöm” u di ten aki? (2 Sam. 15:6) [25 mei, w12-SR 15/7 bld. 13 pal. 7]
Unfa Jehovah sölugu Dafiti di a bi dë ku wan gaan hangi pena, nöö andi u sa lei u di soni aki? (2 Sam. 17:27-29) [1 yuni, w08-SR 15/9 bld. 5, 6 pal. 15, 16]
Andi u sa lei u di fasi fa Dafiti bi libi ku wan woto köndë sëmbë di de ta kai Itai? (2 Sam. 18:2) [1 yuni, w09-SR 15/5 bld. 27 pal. 7]
Unfa dee möön gaanwan a di kemeente sa feni wini u di woto u Balisilai? (2 Sam. 19:33-35) [8 yuni, w07-SR 15/7 bld. 15 pal. 1, 2]
Unfa dee soni dee Dafiti bi taki u di hoi di u musu ta hoi useei a Jehovah, ta da dee dinima u Jehovah taanga a di ten aki? (2 Sam. 22:26) [15 yuni, w02 15/8 bld. 5 pal. 4]
Unfa Naatan bi hoi hënseei a Gadu, nöö unfa useei sa waka nëën baka a di ten aki? (1 Kön. 1:11-14) [22 yuni, w12-SR 15/2 bld. 25 pal. 1, 4, 5]
Na un ten wan dinima u Gadu sa bigi ta pakisei taa a sa pasa dee wëti u Gadu, leti kumafa Salumon bi du ën? (1 Kön. 3:1) [29 yuni, w11-SR 15/12 bld. 10 pal. 12-14]