Fasi fa u sa paati di Hei Wakitimawosu ku dee brochure fuu

Di Hei Wakitimawosu 1 u ëlufumu-liba

„Te feti ta feti a wan köndë, nasö te köndë ku köndë ta feti, nöö dee tu kulupu nasö dee tu köndë dee ta feti ku deseei, ta biibi taa Gadu dë a di u de së. I si kuma Gadu ta feni ën bunu te sëmbë u wan köndë, nasö te köndë ku köndë ta feti ö? [Da di sëmbë pasi faa piki.] Di Hei Wakitimawosu aki ta taki faandi mbei Gadu bi ta mbei dee sëmbë fëën ta feti a di ten di pasa, söseei a ta taki fa Gadu o puu feti abiti möön, nöö nöiti möön feti o ta feti.” Lesi Psalöm 46:9 da di sëmbë, nöö dëën di Hei Wakitimawosu.

Brochure: Dee dëdë sëmbë

„A di ten aki hia sëmbë lo’ u taki soni u taku jeje. Dee avo fuu dee dëdë sa heepi u ö? Unfa i pakisei? [Da di sëmbë pasi faa piki.] Hia woto dë a Bëibel di ta lei u taa hii juu dee taku jeje ta suku u du hogi ku sëmbë. [Lesi Mateosi 9:32, 33 di dë a bladsëidë 11.] Andi u sa du u tjubi useei sö taa dee taku jeje an feni u du hogi? [Da di sëmbë pasi faa piki.] De mbei di buku aki u heepi sëmbë di kë tjubi deseei u taku jeje an feni de du hogi.”