Di gaandi di u abi u mbei söseei u seeka dee kamian ka u nango dini Gadu

Di de bi ta mbei di Wosu u Gadu a Jelusalen, nöö hia wooko bi dë u du, söseei hia möni bi dë fanöudu. Ma tökuseei dee Isaëli sëmbë bi dë kabakaba u da wan maun (1Klo 29:2-9; 2Klo 6:7, 8). Di fasi fa dee Isaëli sëmbë bi ta seeka di Wosu u Gadu baka di de kaba mbei ën, bi ta lei unfa di biibi u de bi dë (2Kön 22:3-6; 2Klo 28:24; 29:3). A di ten aki, Keesitu sëmbë ta tei de ten ku de kaakiti u mbei Könuköndë zali ku kamian ka u ta hoi gaan komakandi. Söseei de ta seeka de, sö taa de sa ta dë bunu. Boiti di dë, di wooko di u ta wooko makandi ku Jehovah a di lö fasi aki da wan tuutuu gaandi, nöö a dë wan pisi u di dini u ta dini Jehovah.​—Ps 127:1; Ako 7:15.

U SA HEEPI TE U TA. . .

• 

  Seeka di zali baka hiniwan komakandi. Ee wa sa du hia, tökuseei u sa pii dee soni dee kai a di së ka u bi sindo.

• 

  Heepi te wan wooko musu du a di Könuköndë zali. Te sëmbë dë hia, nöö u ta wooko ku piizii, söseei di wooko an ta hebi sö.​—lv 107 pal. 18

• 

  Da möni tu. Aluwasi u da „tu kpëngëlë möni” seei, ma u da ku hii u hati, nöö Jehovah ta wai kaa.​—Mk 12:41-44.

• 

  Dë kabakaba u go heepi mbei nasö u seeka dee kamian ka u nango tei lei. An dë nömönömö taa i musu sa’ u mbei wosu ufö i sa go heepi.