Wan apaiti peleikiwooko o du a ëlufumu-liba u mbei sëmbë ko sabi di Könuköndë u Gadu

Jesosi bi ta paaja di bunu buka u di Könuköndë u Gadu (Lu 4:43). Söseei a bi ta lei sëmbë u de begi u di Könuköndë dë musu ko (Mt 6:9, 10). A ëlufumu-liba woo mbei hii möiti u mbei sëmbë ko sabi soni u di Könuköndë u Gadu (Mt 24:14). Seeka soni a fesi sö taa i sa heepi du di wooko aki. Hii dee sëmbë dee o du di heepi pioniliwooko a di liba dë sa peleiki 30 juu nasö 50 juu.

Pooba u lesi wan tëkisi di nama ku di Könuköndë u Gadu da sömëni sëmbë a di pisiwata fii di i sa lesi ën da. Te joo tei wan tëkisi u lesi da de, nöö pakisei na un keiki de nango. Ee wan sëmbë kë sabi möön soni di i go peleiki dëën di fosu pasi, nöö dëën Di Hei Wakitimawosu Nö. 2 u 2020. Nöö na wakiti longi poi u toona go luku ën baka, söseei pooba u bigi wan Bëibel studie ku ën ku wan u dee buku fuu di u ta lei sëmbë soni u Bëibel. An fika longi möön, nöö di Könuköndë u Gadu o ko puu hii dee woto tii u di goonliba aki (Da 2:44; 1Ko 15:24, 25). Fëën mbei, boo mbei hii möiti fuu sa du di apaiti peleikiwooko aki tu, fuu sa lei taa u ta tei di së u Jehovah ku di Könuköndë fëën!