29 U BAIMATU-LIBA–4 U TANVUUWATA-LIBA
PSALÖM 69
Kanda 13 ku begi | Soni di di fesima o taki a bigi u di komakandi (1 min.)
1. Psalöm 69 ta konda soni u di libi u Jesosi
(10 min.)
De bi ta buuse Jesosi hii fa an bi du nawan soni (Ps 69:4; Jo 15:24, 25; w11-SR 15/8 bld. 11 pal. 17)
Di lobi di Jesosi bi abi da di wosu u Jehovah bi dë kuma wan faja di bi ta kisi nëën hati dendu (Ps 69:9; Jo 2:13-17; w10-SR 15/12 bld. 8 pal. 7-8)
Dee soni dee de bi du ku Jesosi bi ta hati ën seei, söseei de bi kë dëën win ku bita a dendu faa bebe (Ps 69:20, 21; Mt 27:34; Lu 22:44; Jo 19:34; g95-O 22/10 bld. 31 pal. 4; it-1-O bld. 844)
PAKISEI FUNDU U DI SONI AKI: Faandi mbei Jehovah mbei de sikifi so tjabukama woto di nama ku di Mësiasi buta a dee Hebelejën buku u Bëibel?
2. Diki go möön fundu
(10 min.)
Ps 69:30, 31—Unfa di tëkisi aki sa heepi u fuu ta begi möön bunu? (w99-SR 15/1 bld. 18 pal. 11)
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Ps 69:1-25 (th woto 2)
4. Lei taa i abi pasensi—Andi Jesosi bi du?
(7 min.) Takimakandi. Pëë di FËLÖN, nöö baka di dë, taki u lmd woto 8 pisi 1-2.
5. Lei taa i abi pasensi—Djeesi Jesosi
(8 min.) Takimakandi di tei puu a di brochure lmd woto 8 pisi 3-5 ku di pisi „Söseei luku”.
Kanda 134
6. Soni di di kemeente abi fanöudu
(5 min.)
7. Mama wëti di sa heepi u ku di Wosudendu Dini fuu
(10 min.) Takimakandi.
A jailiba u di jaa 2009, hën de bi tja dee tu komakandi dee u bi ta hoi a mindiwiki ko a wan. Di soni aki bi ta da hiniwan wosudendu di okasi u taki da deseei andi de kë du a di Wosudendu Dini u de. Sömëni wosudendu bi konda unfa de bi wai tjika ku di tooka aki, u di a bi heepi de u de ko dë möön gaan mati ku Jehovah, söseei ku de na de.—Det 6:6, 7.
Andi da wantu soni di sa heepi dee sëmbë dee ta tei fesi a di wosudendu u de, u de sa feni wini te de ta hoi di Wosudendu Dini?
Ta du ën hii juu. Ee a sa, nöö mbei möiti u ta hoi ën a di wan seei daka hiniwan wiki. Ma un musu buta wan woto daka di woon ta hoi ën tu, ee a ko pasa taa wan sa hoi ën a di daka di un bi guwenti hoi ën.
Seeka iseei. Hakisi i mujëë andi ku andi un sa du a di Wosudendu Dini, nöö so juu i sa hakisi dee mii tu. Di seeka di i ta seeka iseei an abi fu tei longi, möönmöön ee un guwenti u du di wan seei soni hiniwan wiki
Dee soni dee woon du musu dë da hii sëmbë a di wosudendu. Möön wan mii ta ko bigi, möön dee soni di a abi fanöudu ku dee soni di a sa du ta tooka. Dee soni dee woon du musu heepi hiniwan sëmbë a di wosudendu u ko dë möön gaan mati ku Jehovah
Be hii sëmbë fii bunu. So juu, ee di wei hanse, nöö un sa go du ën a wan woto kamian. So juu a dë fanöudu tu, fuun böö kölö sö ee wan sëmbë kë böö. I sa taki u wan bookohedi di dee mii abi, ma ja musu tei di Wosudendu Dini u bë wojo da de nasö u sitaafu de
Du tookatooka soni. Un sa seeka wan pisi u di komankandi, un sa luku wan fëlön a jw.org, nöö un taki fëën, söseei un sa seeka andi woon taki a di peleikiwooko. Hii fa di möön fanöudu soni da di taki di u ta taki u wan soni makandi a di Wosudendu Dini, tökuseei hiniwan sëmbë a di wosudendu musu sa feni di okasi u öndösuku wan soni fëën di a kë sabi möön fini
Taki u di hakisi aki:
Unfa i bi pooba u du dee soni aki a di Wosudendu Dini fii?
8. Kemeente Bëibel-lei
(30 min.) bt-SR woto 13 pal. 8-16, ku di pisi a bld. 119