5-11 U TANVUUWATA-LIBA

PSALÖM 70-72

Kanda 59 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

1. Konda soni u di makiti u Gadu da dee bakamii

(10 min.)

Sensi di Dafiti bi njönku, hën a bi si fa Jehovah bi ta tjubi ën (Ps 71:5; w22.01 bld. 6 pal. 15)

Dafiti bi si fa Jehovah bi ta heepi ën di a bi ko gaandi (Ps 71:9; w14-SR 15/3 bld. 20-21 pal. 3, 4)

Dafiti bi ta konda da dee njönkuwan unfa Jehovah bi heepi ën, u da de degihati (Ps 71:17, 18; w14-SR 15/1 bld. 23 pal. 4-5)

Wan peentje ka u ta si dee seei sëmbë u di wosudendu dee u bi si di wiki pasa ala a di pisi „Mama wëti di sa heepi u ku di Wosudendu Dini fuu”. De kai wan baaa ku hën mujëë dee ko gaandi kaa ko a di Wosudendu Dini u de, nöö de ta haika bunu di di baaa ku hën mujëë ta lei de footoo ta konda fa soni bi dë da de.

HAKISI ISEEI DI SONI AKI: ’Un baaa nasö un sisa a di kemeente di ta dini Jehovah longi kaa, mi sa kai ko a di Wosudendu Dini fuu u hakisi soni?’

2. Diki go möön fundu

(10 min.)

Ps 72:8—Unfa di soni di Jehovah bi paamusi Abahamu di sikifi a Kenesesi 15:18, bi pasa tuutuu a di pisiten di Könu Salumon bi ta tii? (it-1-O bld. 651)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Ps 71:1-24 (th woto 5)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(3 min.) TE U GO PELEIKI A SËMBË PISI. Tapa di fan a wan lesipeki fasi te i si taa di sëmbë kë bigi fia ku i. (lmd woto 4 pisi 5)

5. Gobaka

(4 min.) TE I MITI WAN SËMBË A WAN KAMIAN. Fan go dou ku wan famii fii, di ta biabia u lei soni u Bëibel ku u. (lmd woto 8 pisi 4)

6. Konda andi i ta biibi da wotowan

(5 min.) Wan taki. ijwfq 49—Në: Faandi mbei dee Jehovah Kotoigi tooka so u dee soni di de bi ta biibi fosu? (th woto 17)

DI LIBI FUU KUMA KEESITU SËMBË

Kanda 76

7. Soni di u sa du a di Wosudendu Dini

(15 min.) Takimakandi.

Di wan seei wosudendu dë taanputaanpu ta kanda wan Könuköndë kanda.

Di mama ku wan u dee mujëë mii u de ta hoi wan demo a di Wosudendu Dini u de.

Di Wosudendu Dini da wan fanöudu soni di ta heepi mama ku tata u kiija dee mii u de ku dee lei u Jehovah (Ef. 6:4). A sa dë wan taanga soni da mii u lei soni, ma a sa ko dë wan piizii soni da de tu, te de bigi ko ta lobi dee tuutuu lei u Bëibel (Joh. 6:27; 1Pe 2:2). Luku di pisi „Soni di u sa du a di Wosudendu Dini” di sa heepi dee mama ku dee tata u de mbei di Wosudendu Dini ta dë wan piizii soni, söseei u hii sëmbë sa ta feni wini fëën, nöö baka di dë, buta dee hakisi aki:

Undi u dee soni dee sikifi aki i bi o kë pooba?

Di piki fii
Un bi du wan woto soni ka un bi feni wini fëën tu ö?

Di piki fii

SONI DI U SA DU A DI WOSUDENDU DINI

DI BËIBEL:

Haika dee pisi u Bëibel dee u musu lesi da di komakandi di u ta hoi a mindiwiki, nasö hiniwan sëmbë sa lesi wan pisi. Hiniwan sëmbë sa lesi wan pisi ka wan u dee sëmbë a di woto ta fan
Seeka wantu hakisi di nama ku dee kapitë u Bëibel dee u musu lesi da di mindiwiki komakandi. Hiniwan sëmbë sa tei wan hakisi, nöö a öndösuku soni fëën. Baka di dë, nöö de sa konda andi de lei
Buta wan hakisi nasö pakisei luku andi da wan soni di sa miti unu, nöö baka di dë, un suku mama wëti di o heepi unu a di buku Bijbeltekst di e yepi wi fu dini Jehovah
Pëë wan Bëibel woto
Sikifi wantu tëkisi a wan kaita, kuma dee sikifi a woto fanöudu soni 1 u di brochure Lobi sëmbë—Heepi de u de ko dë bakama u Jesosi, baka di dë, nöö pooba u hoi dee tëkisi dë a hedi. Toona luku dee tëkisi baka u dee wiki dee pasa
Luku wan woto a di buku I sa dë waiwai u teego!
Piki hiniwan sëmbë u di wosudendu u de taki u wan soni kölö sö di de tei puu a wan u dee woto di dë a di pisi „Piki tapu aksi fu Bijbel”, di dë u feni a di pisi SAN BIJBEL E LERI a jw.org

DEE KOMAKANDI:

Seeka wan pisi u di komakandi
Seeka dee piki fuunu, nöö un luku ee de an ta pasa di ten di de buta
Kanda dee Könuköndë kanda
Luku andi un sa taki u da wan sëmbë degihati ufö di komakandi bigi nasö baka di komakandi
Be wan sëmbë hoi di pisi di a o hoi a di mindiwiki komakandi, nöö un luku ee a ta du ën bunu

DI PELEIKIWOOKO:

Seeka u go peleiki a sëmbë pisi
Seeka u go a dee gobaka fii
Pakisei unfa i sa bigi fan a wan suti fasi ku wan sëmbë di i miti a wan kamian
Taki unfa un sa du möön soni a di peleikiwooko a di pisiten te woo Mëni di dëdë u Jesosi nasö te siköö nasö wooko an dë

DEE SONI DI DI WOSUDENDU ABI FANÖUDU:

Hoi wan demo u luku andi un sa taki te sëmbë kë fuun tei së a politiki soni, te sëmbë ta du ku unu, te wan sëmbë ta pidi wan fuunu nasö te de kë fuun hoi wan fesa daka
Hoi wan demo ka dee mii ta pëë mama ku tata, nöö mama ku tata ta pëë dee mii. Dee mii ta öndösuku wan woto, nöö de ta taki fëën ku dee gaansëmbë u de

WOTO SONI DI UN SA DU:

Luku wan soni a JW Broadcasting^®, nöö un taki fëën
Lesi wan woto nasö luku wan fëlön di dë u feni a jw.org, nöö un taki fëën
Luku wan soni a di pisi „Njönkuwan” nasö „Piki mii”, di dë u feni a jw.org a di pisi DEE LEI U BËIBEL, nöö un taki fëën
Toona taki u dee soni dee un bi lei a wan u dee gaan komakandi
Luku wan soni di Gadu mbei nasö öndönsuku wan soni di Gadu mbei, nöö un taki andi di soni dë ta lei u u Jehovah
Kai wan sëmbë ko a di Wosudendu Dini fuunu, nöö un buta hakisi dëën
Buta soni di un kë du a di biibi, nöö un luku unfa un sa du de
Un du wan soni makandi. Un sa pooba u mbei di boto u Noa nasö un sa öndönsuku dee kaita u di Nyun-Grontapuvertaling nasö u dee woto buku fuu

Pëë di FËLÖN Be di Wosudendu Dini fii ta dë wan piizii soni hii juu. Baka di dë, buta di hakisi aki da dee haikama:

Unfa wan womi sa mbei di Wosudendu Dini ta dë wan piizii soni da hën mujëë te dee mii u de an dë a wosu möön?

Di piki fii

8. Kemeente Bëibel-lei

(30 min.) bt-SR woto 13 pal. 17-24