27 U JAILIBA–2 U BAKAJAILIBA

PSALÖM 140-143

Kanda 44 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

1. Du di soni di i hakisi Jehovah a begi

(10 min.)

Dë kabakaba u tei dee lai di wotowan ta da i (Ps 141:5; w22.02 bld. 12 pal. 13-14)

Kai pakisei a dee soni dee Jehovah bi du u heepi dee dinima fëën a di ten di pasa (Ps 143:5; w10-SR 15/3 bld. 32 pal. 4)

Mbei möiti u ta si soni kumafa Jehovah ta si soni (Ps 143:10; w15 15/3 bld. 32 pal. 2)

Wan njönku baaa ta lei soni u Bëibel. Dee peentje: 1. A dë a döö ta begi. 2. A ta haika di wan möön gaandi baaa ta dëën lai di de dë a di peleikiwooko.

Psalöm 140-143 an ta taki u dee soni dee Dafiti bi ta hakisi Jehovah nöö, ma di pisi dë ta lei u tu unfa Dafiti bi ta du dee soni dee a bi ta hakisi Jehovah a begi.

2. Diki go möön fundu

(10 min.)

Ps 141:2—Unfa Jehovah ta si dee begi fuu? (w22.03 bld. 21 pal. 7)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Ps 141:1-10 (th woto 12)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(4 min.) TE I MITI WAN SËMBË A WAN KAMIAN. Konda soni u Bëibel da wan sëmbë baka di i heepi ën ku wan soni. (lmd woto 3 pisi 5)

5. Gobaka

(3 min.) TE I TA PELEIKI A KAMIAN KA HIA SËMBË TA WAKA PASA. Di sëmbë piki i taa a ta du soni. (lmd woto 7 pisi 3)

6. Konda andi i ta biibi da wotowan

(5 min.) Wan demo. lff woto 39 andi woo lei, pisi 1 ku 2—Në: Faandi mbei dee Jehovah Kotoigi an ta tei buuu? (th woto 7)

DI LIBI FUU KUMA KEESITU SËMBË

Kanda 141

7. Dë seekaseeka ee a ko pasa taa i abi data heepi fanöudu nasö ee i musu du wan opalasi

(15 min.) Takimakandi.

Jehovah paamusi u taa a dë „kabakaba u heepi u te u dë a fuka” (Ps 46:1). Ee a ko pasa taa i abi data heepi fanöudu nasö ee i musu du wan opalasi, nöö a sa mbei i ta fëëë. Fëën mbei Jehovah da u hiniwan soni di u abi fanöudu fuu sa dë seekaseeka da dee lö soni aki. Di ölganisaasi fëën ta da u soni kuma di pampia di de ta kai Geneeskundige wilsverklaring en machtiging (DPA), wan kaita de kai Identiteitskaart,a ku woto pampia di nama ku data sonib. Boiti di dë, dee baaa u di Hatiwosu Komite (HLC) dë u heepi u tu. Dee pampia aki ku dee baaa u di Hatiwosu Komite ta heepi u fuu hoi useei a di wëti u Gadu di nama ku buuu.—Tja 15:28, 29.

Wan sisa ta fuu di pampia di ta lei taa wa ta tei buuu.

Pëë di FËLÖN I dë seekaseeka ee a ko pasa taa i abi data heepi fanöudu ö? Baka di dë, buta dee hakisi aki da dee haikama:

Un wini so sëmbë bi feni u di de bi fuu di pampia di ta lei taa wa ta tei buuu?

Di piki fii
Un wini so sëmbë bi feni di de bi fuu di pampia di de ta kai Informatie voor zwangere zusters (S-401)?

Di piki fii
Faandi mbei i musu bëli dee baaa u di Hatiwosu Komite wantewante, ee a ko pasa taa de o hoi i a hatiwosu, ee i musu du wan opalasi, ee de o kula i u di i abi kankël, nasö aluwasi an nama ku buuu soni seei?

Di piki fii

8. Kemeente Bëibel-lei

(30 min.) bt-SR woto 21 bld. 14-22

Soni di di fesima o taki a kaba u di komakandi (3 min.) | Kanda 103 ku begi

a Peleikima di dopu kaa, sa hakisi di baaa di ta seeka buku soni u di kemeente di DPA kaita aki, söseei de sa hakisi di Identiteitskaart da dee möön njönku mii u de, u lei taa deseei an ta tei buuu.

b I sa hakisi dee gaanwomi dee pampia aki te i abi de fanöudu: Informatie voor zwangere zusters (S-401), Informatie voor patiënten die een operatie of chemotherapie moeten ondergaan (S-407), ku Fa papa nanga mama kan kibri den pkin fu no teki brudu (S-55).