3-9 U BAKAJAILIBA

PSALÖM 144-146

Kanda 145 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

1. „Dee sëmbë dee Jehovah dë Gadu u de, o ta dë waiwai!”

(10 min.)

Jehovah ta buta pakisei a dee sëmbë dee ta futoou ën (Ps 144:11-15; w18.04-SR bld. 32 pal. 2-3)

U ta wai u di u sabi taa woo libi u teego (Ps 146:5; w22.10 bld. 28 pal. 16-17)

Dee sëmbë dee Jehovah dë Gadu u de, o ta dë waiwai u teego (Ps 146:10; w18.01 bld. 26 pal. 19-20)

Wan footoo u baaa ku sisa di dë waiwai, nöö de an abi di wan jaa, söseei de dë u tookatooka föluku. — Te u ta dini Jehovah ku hii u hati, nöö u sa ta dë waiwai aluwasi fuka ta miti u

2. Diki go möön fundu

(10 min.)

Ps 145:15, 16—Ee u abi lesipeki da di libi, nöö unfa woo libi ku dee mbeti? (bh bld. 148 pal. 9)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Ps 144:1-15 (th woto 11)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(4 min.) TE U GO PELEIKI A SËMBË PISI. Di sëmbë piki i taa a nango a universiteit a siköö. (lmd woto 1 pisi 5)

5. Gobaka

(4 min.) TE I MITI WAN SËMBË A WAN KAMIAN. Taki soni u wan fëlön di u ta tei u lei sëmbë soni u Bëibel. (lmd woto 7 pisi 4)

6. Wan taki

(4 min.) lmd woto fanöudu soni 1 pisi 7—Në: Wan mujëë musu abi gaan lesipeki da hën manu. (th woto 1)

DI LIBI FUU KUMA KEESITU SËMBË

Kanda 59

7. Jehovah kë fii ta dë waiwai

(10 min.) Takimakandi.

Jehovah da di Gadu di dë waiwai (1Ti 1:11). A da u sömëni bunu soni di ta lei u unfa a lobi u tjika, söseei di ta lei taa a kë fuu ta dë waiwai (Pel 3:12, 13). Woo taki u tu u dee soni aki: dee soni dee u ta njan ku dee soni dee u ta jei.

Wanlö mati dë sindosindo a wan faja bandja. Wan u de ta pëë gitali.

Pëë di FËLÖN Dee soni dee Jehovah mbei ta lei u taa a kë fuu ta dë waiwai—Soni u njan ku dee soni dee u ta jei. Baka di dë, buta dee hakisi aki da dee haikama:

Unfa di da di Jehovah da u soni u njan, söseei di jei di u sa jei soni, ta mbei i dë seiki taa Jehovah kë fuu ta dë waiwai?

Di piki fii

Lesi Psalöm 32:8. Baka di dë, buta di hakisi aki da dee haikama:

Unfa di sabi di i sabi taa Jehovah kë fuu ta dë waiwai, ta da i taanga fii du dee soni dee sikifi a di Bëibel, söseei dee soni di di ölganisaasi fëën ta piki i fii du?

Di piki fii