DI HEI WAKITIMAWOSU​—U LEI SONI A KOMAKANDI

U sa ta dë ku tangi a hati te u ta pakisei fundu u dee bunu soni Jehovah ta du da u, nöö u musu ta dëën tangi u dee soni dë. Te u ta tei dee soni Jehovah ta du da u u bigi, nöö a o heepi u fuu ta da tangi hii juu, söseei a o heepi u u sabi andi u musu du te u ta miti tesi. Di tëkisi u di jaa 2015 o mbei u ta mëni di soni aki hii di jaa di ta ko aki.

Di woto aki ta taki faandi mbei u musu go a di komakandi ka u ta mëni di dëdë u Jesosi. A ta konda da u andi di bëëë ku di win kë taki. A ta taki andi ta mbei wan sëmbë sabi ee a san njan di bëëë nasö bebe di win. Boiti di dë, di woto aki o heepi hiniwan fuu apaiti fuu ko sabi unfa u sa seeka useei u mëni di Ndeti Njanjan u Masa.

Womi ku mujëë di toou musu mbei möiti sö taa dee bookohedi u di libi ku dee soni u di goonliba u Saatan an poi di toou libi u de. Jehovah sa heepi de u mbei soni waka bunu a di toou libi u de. Di fosu woto o taki u feifi soni di sa heepi de u abi wan toou libi ka soni o ta waka bunu u nöömö. Di u tu woto o lei u andi u sa du u mbei soni ta waka bunu a di toou libi.

Andi a kë taki te wan womi ku wan mujëë lobi deseei tuutuu? Womi ku mujëë sa ta lobi deseei u nöömö u? Unfa de sa lei taa de lobi deseei tuutuu? Ko sabi andi di Kanda u Salumon ta lei u, u tuutuu lobi di an ta kaba möönsö.