Dee woto u di buku aki
WIKI U 30 U SEBITAA-LIBA U 2016–5 U HÖNDIMA-LIBA U 2016
3 Te u abi biibi, nöö libi fuu o kai ku Gadu
Di woto aki ta lei andi bi heepi Jefita ku di mujëë mii fëën u abi biibi hii fa a bi taanga da de. Woo lei faandi mbei a möön bunu u libi fuu ta kai ku Gadu, möön dee soni dee u ta du dëën.
WIKI U 6-12 U HÖNDIMA-LIBA U 2016
9 I musu ta hoi dou fii ko dë „wan gbelingbelin sëmbë a Gadu wojo”
Ee u kë feni di libi u teego, nöö u musu hoi dou tee a di kaba. Di woto aki o taki u fö soni di sa heepi u fuu hoi dou, söseei a o taki u dii woto u sëmbë di bi hoi dou. Söseei a ta taki u di wini di woo feni te u hoi dou.
WIKI U 13-19 U HÖNDIMA-LIBA U 2016
15 Faandi mbei u musu ta ko makandi u dini Gadu?
Sömëni soni dë di ta mbei a taanga da u fuu nango hii juu a dee komakandi. Di woto aki o da u degihati fuu nango hii juu a dee komakandi, söseei a o taki faandi mbei di go di u nango a dee komakandi aki bunu da u, faandi mbei a bunu da wotowan, söseei faandi mbei a ta gafa Jehovah.
WIKI U 20-26 U HÖNDIMA-LIBA U 2016
21 Na tei sëmbë së a di goonliba aki di ta paati sëmbë ku sëmbë
Hii fa sömëni u dee tiima u di ten an ta musu u fuu tei de së, tökuseei soni sa ko tooka, möönmöön fa di kaba u di goonliba aki ta ko zuntu. A di woto aki woo luku fö soni di o heepi u fuu hoi useei a Jehovah.
27 Woto u wan sëmbë—Fö sisa di bi dë mazo ko toon sisa a di biibi