Andi di Könuköndë u Gadu o du ku politikima di ta ganjan sëmbë?

Sëmbë ta kë abi tiima di de sa ta futoou. De ko wei ku di ganjan di politikima ta ganjan de. Sëmbë di bi öndösuku soni a peipei kamian u goonliba bi tja ko a döö a di jaa 2023 taa di kulupu sëmbë di gaansë u sëmbë bi taki taa de an ta futoou, da dee tiima u köndë.a

Di Bëibel ta taki u wan tii di abi wan fesima di u sa futoou. An ta ganjan sëmbë, nöö sëmbë an sa bai ën ku möni tu. Di tii dë da di Könuköndë u Gadu, nöö di Fesima fëën da Jesosi Keesitu.​—Jesaaja 9:7.

Dee soni dee Jesosi bi du, ta lei taa a ta booko hën hedi ku sëmbë tuutuuu (Mateosi 9:35, 36). U di hën da di Könu u di Könuköndë u Gadu, mbei abiti möön a o mbei soni ta waka a wan leti fasi da dee sëmbë dee kë faa tii de, söseei a o mbei de ta libi bööböö.​—Psalöm 72:12-14.