Andi di Könuköndë u Gadu o du ku di möni fuka di u ta abi?

A ta taanga da sömëni sëmbë a hii së u goonliba u de feni möni tjika u de libi. Nöö daka fu daka a ta ko möön taanga.

• Sëmbë di bi öndösuku soni a hii së u goonlibaa taki taa di möni di sëmbë ta kisi an ta tjika u bai dee soni di de bi ta bai fosu möön. De taki tu taa ee soni an tooka, sëmbë o ko ta möön si ambë gudu ku ambë pooti, nöö sëmbë di bi sa ta bai dee soni di de ta abi fanöudu da de wosu dendu an o sa ta du ën sö möön.”

Dee tiima u köndë o sa puu di möni fuka di sëmbë ta abi möönmöön aki ö?

Di Bëibel ta taki u wan tii di o sa puu di möni fuka di u ta abi, nöö hii sëmbë o ta abi dee soni di de ta abi fanöudu. A ta piki u taa „di Gadu u liba ala o seti wan könuköndë”, hën da wan tii di o seeka hii soni a goonliba (Daniëli 2:44). Te a o tii, nöö an o fëëkëtë na wan sëmbë (Psalöm 9:18). Di Könuköndë u Gadu o da dee sëmbë dee a o ta tii, dee soni di de abi fanöudu u de sa ta dë waiwai. Hii sëmbë o ta feni bunu u di wooko di de o ta wooko.​—Jesaaja 65:21, 22.