Un dee njönkuwan, un musu dë ’fajafaja u du bunu soni’

A di biifi di apösutu Paulosu bi manda da Titusi, a bi sikifi taa dee njönku kijoo, te kisi Titusi seei, bi musu ta mbei möiti u ’ta libi bunu a hii futu u sëmbë musu sa djeesi de’ (Tit 2:6, 7). Bakaten, a di wan seei kapitë, a bi taki taa Jesosi bi o mbei dee sëmbë u Jehovah ko dë limbolimbo, sö taa de sa ’dë fajafaja u du bunu soni’ (Tit 2:14). Wan u dee bunu soni aki, hën da u peleiki, söseei u lei sëmbë soni u di Könuköndë u Gadu. Ee i da wan njönkuwan, nöö i bi o sa tei di kaakiti fii u du di heepi pioniliwooko nasö di kowoonu pioniliwooko u?​—Nön 20:29.

Ee i bi o kë toon wan pionili, nöö seeka soni fii sa toon wan (Lu 14:28-30). Kandë i sa hakisi iseei ee naasë joo ta feni möni fii sa sölugu iseei te i ta du di pioniliwooko. Unfa joo sa ta dou dee juu dee i musu ta dou hiniwan liba? Hakisi Jehovah a begi faa heepi i (Ps 37:5). Piki dee gaansëmbë fii, ku dee baaa ku dee sisa dee ta du di pioniliwooko sömëni jaa kaa, andi i kë du. Baka di dë, bigi du soni fii sa dou di maaka di i buta. Jehovah o mbei i feni gaan bunu te i ta mbei möiti u dë fajafaja a di diniwooko fëën!

LUKU DI FËLÖN DEE NJÖNKUWAN TA TJA GAFA KO DA JEHOVAH, BAKA DI DË, NÖÖ PIKI DEE HAKISI AKI:

• Un bookohedi wantu njönkuwan bi abi di de bi kë bigi du di pioniliwooko, nöö andi bi heepi de?

• Unfa mama ku tata sa heepi dee mii u de u de ko toon kowoonu pionili?

• Faandi mbei a dë fanöudu u mbei wan skeima te i ta peleiki?

• Unfa dee baaa ku dee sisa a di kemeente sa da dee pionili degihati, söseei unfa de sa heepi de?

• Un gaan bunu dee sëmbë dee ta pionili ta feni?