Paaja di bunu buka taa wan möön bunu goonliba dë ta ko!

A ëlufumu liba, woo mbei möiti u paaja wan bunu buka taa wan njunjun goonliba dë ta ko (Ps 37:10, 11; Ako 21:3-5). Seeka soni fii sa du di wooko aki fajafaja. Ee i fuu di pampia taa joo du di heepi pioniliwooko a di liba dë, nöö i sa wooko 30 juu nasö 50 juu.

Suku wan tëkisi di ta taki u di njunjun goonliba fii sa lesi ën da sömëni sëmbë di joo miti. Te joo tei wan Bëibel tëkisi, nöö pakisei andi o hai dee sëmbë pakisei a di pisiwata fii. Ee i fan ku wan sëmbë hën di sëmbë kë sabi möön soni, nöö dëën Di Hei Wakitimawosu Nö. 2 u 2021. Baka di dë, nöö pooba u go wantewante a di sëmbë baka, nöö bigi wan Bëibel studie ku ën ku di brochure I sa dë waiwai u teego! A dë wan piizii soni seei u paaja di „bunu buka u wan möön bunu soni” da sëmbë!​—Jes 52:7.

LUKU DI POKU-FËLÖN T’A NYUN GRONTAPU KON, NÖÖ BAKA DI DË, PIKI DEE HAKISI AKI:

• Un bunu soni di o pasa a di ten di ta ko di piki mujëë mii ta pakisei?

• Andi da wantu u dee bunu soni dee o pasa a di njunjun goonliba, dee i ta wakiti u si?

• Unfa di pakisei di joo ta pakisei dee bunu soni dee woo feni a di ten di ta ko, o heepi i fii dë fajafaja a ëlufumu-liba te woo du di apaiti peleikiwooko?​—Lu 6:45