WOTO 58
I musu ta hoi iseei a Jehovah nöömö
Dee tuutuu Keesitu sëmbë an ta mbei na wan soni nasö na wan sëmbë tapa de u de dini Jehovah. U dë seiki taa iseei ta pakisei sö tu. Jehovah lobi dee sëmbë dee ta dini ën ku hii de hati. (Lesi 1 Kloniki 28:9.) Andi sa mbei a taanga da i fii dini Jehovah ku hii i hati, nöö andi sa heepi i fii hoi iseei nëën?
1. Unfa woto sëmbë sa mbei wa hoi useei a Jehovah möön?
So sëmbë o kë pooba u tapa u fu wa dini Jehovah möön. Ambë da dee sëmbë dë? So sëmbë di bi dë a di tuutuu lei ta paaja mindimindi woto u di ölganisaasi u Jehovah, u di de kë u di biibi fuu ko suwaki. Dee sëmbë aki da sëmbë di bia baka da di biibi. Söseei i abi dee fesima u keiki dee ta paaja mindimindi woto fuu, u mbei dee sëmbë dee an taanga a di biibi, go disa Jehovah. An dë wan bunu soni u go dë ta fia ku dee sëmbë aki, u lesi buku u de, u go a dee website u de, nasö u luku fëlön u de. Luku andi Jesosi bi taki u dee sëmbë aki di ta pooba u tapa wotowan u dini Jehovah. A bi taa: „Dee lö sëmbë dë, de dë kuma wanlö bookowojoma ta suku u de tja woto bookowojoma fu de go pasa ngötö. Nöö na de tuu o kai go a di ngötö nö?”—Mateosi 15:14.
2. Unfa dee soni dee u ta du ta lei taa u ta hoi useei a Jehovah?
Te u lobi Jehovah, nöö di soni dë o heepi u fuu köni ku hiniwan soni di nama ku poipoi biibi. Wa musu nama ku na wan feleniki di dë u poipoi biibi, söseei wa musu tuwë gogo ku de a wan së a dee soni di de ta du. Jehovah ta bai u taa: „Un kumutu a [di Gaan köndë Babilon], un dee sëmbë dee dë u mi.”—Akoalimbo 18:2, 4.
WOTO SONI DI I SA LEI
Woo lei andi u musu du u sëmbë an tapa u fuu hoi useei a Jehovah. Söseei woo si faandi mbei u musu kumutu a Babilon di Gaanwan.
3. Köni ku sëmbë di ta konda mindimindi woto u Jehovah ku di ölganisaasi fëën
Andi u musu du te sëmbë ta taki hogi u di ölganisaasi u Jehovah? Lesi Nöngö 14:15, nöö piki di hakisi aki:
Faandi mbei u musu köni fu wa biibi hii soni di u ta jei?
Lesi 2 Johanisi 9-11, nöö piki dee hakisi aki:
Andi u musu du te u miti wan sëmbë di bia baka da di tuutuu lei?
Hii fa wa ta fan ku dee sëmbë dee bia baka da di tuutuu lei, ma na un woto fasi u bi o sa nama ku dee sëmbë aki söndö fuu mëni?
Unfa i pakisei taa Jehovah o fii te u ta haika sëmbë di ta taki hogi fëën ku di ölganisaasi fëën?
4. Lei taa i ta tei Jehovah së te wan baaa nasö wan sisa mbei wan gaan föutu
Ee u sabi taa wan sëmbë a di kemeente mbei wan gaan föutu, nöö andi u musu du? Luku andi u sa lei a wan u dee wëti di Gadu bi da dee Isaëli sëmbë. Lesi Leifitiki 5:1.
Te i luku di tëkisi aki, nöö ee u sabi taa wan sëmbë a di kemeente mbei wan gaan föutu, nöö u musu konda finifini da dee gaanwomi andi u sabi. Ma ufö u du di soni dë, nöö u musu da di sëmbë taanga fu hënseei go piki dee gaanwomi andi a du. A sö wan fasi u ta lei di sëmbë taa u lobi ën. Ee an go a dee gaanwomi, nöö woo lei taa u ta hoi useei a Jehovah, u di woo go piki dee gaanwomi andi ku andi u sabi. Te u ta du di soni aki, nöö unfa u ta lei taa u lobi . . .
Jehovah Gadu?
di sëmbë di du di hogi?
dee woto sëmbë u di kemeente?
Ee wan baaa nasö wan sisa abi heepi fanöudu, nöö heepi ën!
5. Kumutu a Babilon di Gaanwan
Lesi Lukasi 4:8 ku Akoalimbo 18:4, 5, nöö piki dee hakisi aki:
Mi puu mi në a di poipoi keiki ka mi bi nango fosu ö?
Mi dë a wan feleniki di ta wooko makandi ku wan keiki ö?
Mi ta heepi poipoi keiki ku di wooko di mi ta du ö?
Woto soni dë jeti di mi musu disa u du u lei taa ma ta nama ku poipoi biibi ö?
Ee mi piki aai a hii dee hakisi aki, nöö andi mi musu tooka?
Aluwasi andi joo du, be a dë gbelingbelin u si a hii soni di i ta du taa i ta du soni ku wan limbohati, söseei taa i ta hoi iseei a Jehovah.
Ee wan keiki hakisi i fii buta möni u heepi de ku wan soni di de ta du, nöö andi joo du?
SO SËMBË TA TAKI TAA: „Mi musu sabi dee mindimindi woto di dee sëmbë dee bia baka da di biibi ta konda u Jehovah Kotoigi, sö taa mi sa sabi andi mi musu taki te mi o hopo fan da di tuutuu lei.”
I si kuma di soni dë bi o dë wan köni soni ö? Faandi mbei i taki sö?
ANDI I LEI?
Ee u kë hoi useei a Jehovah, nöö wa musu hulu sëmbë di ta suku u ganjan u.
Andi i bi o piki?
Faandi mbei wa musu haika soni u dee sëmbë dee bia baka da di tuutuu biibi?
Andi u musu du ee u ko sabi taa wan baaa nasö wan sisa mbei wan gaan föutu?
Andi u musu du fuu sa kumutu a poipoi biibi?
WOTO SONI DI I SA LUKU
Lesi di woto aki fii si andi i musu du te sëmbë ta konda mindimindi woto u dee Jehovah Kotoigi.
„I sabi unfa soni dë tuutuu ö?” (Di Hei Wakitimawosu, u tanvuuwata-liba 2018)
Lesi di woto aki fii ko sabi ee wan feleniki, nasö ee wan soni di i ta du nama ku Babilon di Gaanwan
Luku di fëlön aki fii si andi so sëmbë di bia baka da Jehovah ta du u suwaki di biibi fuu
Lesi di woto „Mi ben e suku Gado sensi di mi ben de wan pikin,” fii si unfa wan paiti disa di poipoi keiki ka a bi dë.
„Bijbel e kenki sma libi” (A Waktitoren, 1 u baimatu-liba 2011)