2 Kownu
20 Na a ten dati Heskia siki te fu dede.+ Dati meki Yesaya,+ a manpikin fu a profeiti Amos, kon na Heskia èn a taigi en: „Disi na san Yehovah taki: ’Taigi den sma na ini yu osofamiri san den musu du,+ bika yu o dede. Yu no o libi langa moro.’”+ 2 Ne Heskia drai en fesi go na a sei fu a skotu fu a kamra,+ dan a begi Yehovah.+ 3 A taki: „Ke Yehovah, mi e begi yu. Memre+ fa mi gi yesi+ na yu nanga wan krin ati+ èn fa mi dini yu nanga mi heri ati.+ Den sani di yu feni bun, na dati mi du.”+ Ne Heskia bari krei.+
4 Yesaya no ben doro na mindrisei fu a dyari fu Kownu ete di Yehovah taigi en:+ 5 „Drai go baka èn taigi Heskia, a fesiman+ fu mi pipel: ’Disi na san Yehovah, a Gado+ fu yu afo David, taki: „Mi yere+ a begi fu yu+ èn mi si fa yu krei.+ Luku, mi o meki yu kon betre.+ Baka dri dei yu o go na a oso fu Yehovah.+ 6 Mi o meki yu libi ete tinafeifi yari. Mi o puru yu nanga a foto fu yu na a anu fu a kownu fu Asiria. Mi o kibri+ a foto disi fu mi nen ede èn fu di mi no frigiti mi futuboi David.”’”+
7 Dan Yesaya taki: „Un teki wan kuku di meki fu drei figa.”+ Sobun, den go teki a kuku èn den poti en na tapu a butsweri fu Heskia.+ Dan safrisafri Heskia kisi ensrefi baka.+
8 Ma Heskia aksi Yesaya: „Fa mi o sabi+ taki Yehovah o meki mi kon betre trutru èn taki mi o go na a oso fu Yehovah na a di fu dri dei?” 9 Ne Yesaya piki en: „Disi na fa Yehovah o meki yu kon sabi+ taki Yehovah o du san a pramisi yu: San yu wani taki musu pasa? A skaduw di e fadon na tapu a trapu, musu skoifi tin trei go na baka noso tin trei go na fesi?” 10 Heskia piki en: „A makriki fu meki a skaduw skoifi tin trei go na fesi, ma a no makriki fu meki a skoifi tin trei go na baka.”+ 11 Ne a profeiti Yesaya kari Yehovah nanga wan tranga sten. Dan Gado meki a skaduw di ben skoifi go na ondrosei fu a trapu, skoifi go na baka na tapu den trei fu a trapu. Safrisafri a skaduw skoifi tin trei go na baka na tapu den trei fu a trapu fu Akas.+
12 Na a ten dati Berodak-Baladan,+ a manpikin fu Kownu Baladan fu Babilon,+ seni wan tu brifi+ nanga wan kado gi Heskia, fu di a ben yere taki Heskia siki. 13 Di den boskopuman kon drape, Heskia arki san den ben abi fu taki. Dan a sori den ala sani di ben de na ini na oso pe a ben e kibri den gudu fu en.+ A sori den a solfru, a gowtu,+ a balsem-oli,+ a bun oli, den fetisani fu en, nanga ala tra gudu di a ben abi. Iya, Heskia sori den ala den gudu di ben de na ini na oso fu en èn na ini en heri kownukondre.+
14 Baka dati a profeiti Yesaya go na Kownu Heskia èn a aksi en:+ „San den man disi taki èn fu pe den komoto?”+ Heskia piki en: „Den komoto na wan farawe kondre. Den komoto na Babilon.” 15 Yesaya aksi en: „San den si na ini yu oso?” Heskia piki en: „Den si ala sani di de na ini mi oso. Nowan gudu no de di mi no sori den.”+
16 Ne Yesaya taigi Heskia: „Yere san Yehovah abi fu taki:+ 17 ’„Luku, wan ten o kon taki sma o teki ala den sani di de na ini yu oso+ èn di den afo fu yu tyari kon na wán te na a dei fu tide. Dan den o tyari ala den sani disi go na Babilon.+ Noti no o tan abra”,+ na so Yehovah taki. 18 „Sma o teki wan tu fu yu eigi manpikin tyari gowe.+ Den o poti den na wroko leki heihei man+ na ini na oso fu a kownu fu Babilon.”’”+
19 Ne Heskia taigi Yesaya: „A sani di Yehovah seni yu fu taigi mi, bun.”+ A taki tu: „Efu ala sani waka bun èn ogri no miti mi+ solanga mi de na libi, dan a bun, a no so?”+
20 Ala tra sani di abi fu du nanga Heskia, a heri fasi fa a sori a makti fu en, a fasi fa a bow a watrabaki+ èn fa a poti den kokro+ fu meki watra kon na ini a foto, skrifi na ini a buku+ di e taki fu den tori fu den kownu fu Yuda. 21 Te fu kaba Heskia dede.+ Dan en manpikin Manase+ bigin tiri leki kownu.