Wan singi fu den wan di e kren go na a foto.
128 Koloku fu ibriwan sma di abi lespeki gi Yehovah+
Èn di e waka a pasi fu en.+
2 Yu o nyan a nyan di yu srefi wroko tranga fu en.+
Yu o de koloku èn sani o go bun nanga yu.+
3 A wefi fu yu o de na ini yu oso
Leki wan droifibon di e gi furu froktu.+
Den pikin fu yu o de leki pransun fu olèifbon+ lontu yu tafra.
4 Luku, na so Yehovah o blesi a man+
Di abi lespeki gi en.+
5 Na Sion Yehovah o de te a o blesi yu.+
Yu heri libi langa yu o si a bun fu Yerusalem.+
6 Yu o si den pikin fu yu pikin.+
Meki freide de na ini Israel.+