Psalm
Wan singi.
98 Un singi wan nyun singi gi Yehovah,+
Fu di a du bigi sani.+
Nanga en reti-anu, iya, nanga en santa anu a ben man frulusu sma.+
2 Yehovah meki sma kon sabi taki a man frulusu den.+
A sori den pipel fu grontapu taki en na wan Gado fu retidu.+
3 A memre taki a ben o sori den bakapikin fu Israel bun-ati èn taki a ben o du ala ten san a pramisi den.+
Heri grontapu si fa a Gado fu wi e frulusu sma.+
4 Un pipel fu grontapu, bari fu prisiri gi Yehovah.+
Un breiti, bari fu prisiri èn singi prèisesingi.+
5 Prei harpu èn singi prèisesingi gi Yehovah.+
Iya, prei harpu èn opo un sten fu singi prèisesingi gi en.+