Yeremia

22 Disi na san Yehovah taki: „Go taki nanga den sma na ini na oso fu a kownu fu Yuda. 2 Taigi den: ’Meki a kownu fu Yuda di e sidon na tapu a kownusturu fu David,+ arki san Yehovah abi fu taki. Meki den futuboi fu Kownu nanga a pipel fu en di e pasa na den portu+ disi arki tu. 3 Disi na san Yehovah taki: „Un musu krutu sani na wan reti fasi èn un musu du san bun. Yepi sma te bedrigiman du ogri nanga den. No libi takru nanga nowan trakondre sma di e tan na un mindri, nanga den pikin di no abi papa, èn nanga den uma di den masra dede.+ No du den nowan ogri+ èn no kiri sma fu soso na a presi disi.+ 4 Efu unu tan du ala den sani disi di mi taki, dan den kownu di e sidon na tapu a kownusturu fu David+ o pasa den portu fu na oso disi na tapu asi nanga asiwagi, makandra nanga den futuboi fu den èn nanga a pipel fu den.”’+

5 ’Ma efu unu no du den sani disi di mi taki, dan mi e sweri+ taki na oso disi o tron wan brokopresi’,+ na so Yehovah taki.

6 Disi na san Yehovah taki fu na oso fu a kownu fu Yuda: ’Mi e si yu leki Gilead èn leki na ede fu Libanon-bergi.+ Fu tru, mi o meki yu tron wan sabana+ èn nowan sma o tan na den foto.+ 7 Mi o seni sma kon na yu fu pori yu.+ Ibriwan fu den o kon nanga en fetisani.+ Den o koti den moro bun sedrebon+ fu yu èn den o trowe den na ini faya.+ 8 Dan furu pipel o pasa a foto disi èn den o aksi: „Fu san ede Yehovah du so wan sani nanga a bigi foto disi?”+ 9 Sma o piki den: „Na fu di den no hori a frubontu di den meki nanga Yehovah, a Gado fu den.+ Den go boigi gi tra gado èn den dini den.”’+

10 Un pipel, no krei gi den dede sma+ èn no firi sari gi den. Ma un musu bari krei gi den wan di gowe, bika den no o drai kon baka èn noiti moro den o si a kondre fu den famiri fu den. 11 Kownu Salum+ di e tiri Yuda na presi fu en papa Yosia,+ gowe libi a presi disi. Yehovah taki fu en: ’A no o drai kon baka. 12 Bika a o dede na a presi pe den tyari en go na ini katibo èn a no o si a kondre disi moro.’+

13 Helu fu yu, bika yu e bow yu oso+ nanga sodrokamra na wan kruka fasi, fu di yu e meki sma wroko gi yu fu soso, sondro fu pai den.+ 14 Yu e taki: ’Mi o bow wan bun bigi oso nanga bigi sodrokamra.+ Den fensre musu bradi srefisrefi èn a skotu musu tapu nanga sedreplanga+ di ferfi kon redi.’+ 15 Ma yu denki taki yu o tan tiri a kondre, fu di yu e meki bigi nanga den sedreplanga di yu poti na den skotu? Yu papa ben e nyan, a ben e dringi, a ben e du san bun, èn a ben e krutu sani na wan reti fasi,+ a no so? Dati meki sani waka bun nanga en.+ 16 Di a ben e yepi den mofinawan èn den pôtiwan+ nanga den krutu-afersi fu den, sani ben e go bun. ’A no fu di a ben sabi mi meki a ben e du dati?’, na so Yehovah taki. 17 ’Ma yu dati e luku nomo fa yu kan meki moni na wan kruka fasi+ èn soso dati de na ini yu ati. Yu e prakseri nomo fa yu o kiri sma fu soso,+ fa yu o fufuru den èn bedrigi den.’

18 Fu dati ede Yehovah taki fu Yoyakim,+ a manpikin fu Kownu Yosia fu Yuda: ’Den no o bari krei gi makandra: „Ke mi brada! Ke mi sisa!” Den no o bari krei gi makandra: „Ke mi masra! Yu no abi nowan glori moro!”+ 19 Den o beri en leki wan manburiki.+ Den o srepi en go trowe na dorosei fu den portu fu Yerusalem.’+

20 Yuda, go na Libanon+ èn na Basan,+ dan yu bari krei. Bari krei na Abarim,+ fu di den kiri ala den sma di lobi yu so te.+ 21 Mi ben warskow yu di yu no ben abi nowan broko-ede.+ Yu ben taki: ’Mi no wani gi yesi.’+ Na so yu ben de kaba sensi di yu yongu. Yu no ben wani arki mi.+ 22 Wan winti o wai ala den skapuman fu yu gowe.+ Den sma di lobi yu so te, o go na ini katibo.+ Na a ten dati yu o firi syen èn yu o kon lagi, fu di someni rampu o miti yu.+ 23 Yu e tan na Libanon+ èn yu meki yu nesi na ini den sedrebon.+ Ma yu o geme, fu di yu o kisi hebi pen+ leki wan uma di musu meki en pikin!”+

24 „Yehovah taki: ’Konya,+ manpikin fu Kownu Yoyakim+ fu Yuda, mi e sweri na mi libi taki mi o rutu yu puru na yu presi,+ awinsi yu de leki wan diri linga+ na mi reti-anu. 25 Mi o libi yu na ini na anu fu den sma di e suku fu kiri yu,+ den sma di yu e frede, Kownu Nebukadresar fu Babilon, nanga den Kaldeyasma.+ 26 Mi o fringi yu nanga yu mama+ di meki yu, go na ini wan tra kondre pe unu no gebore. Na drape unu o dede.+ 27 Unu no o drai go baka na a kondre pe unu ben e angri fu go.+ 28 A man disi Konya,+ na soso wan prapi di bun fu trowe? A de soso wan prapi di broko na pisipisi,+ noso wan prapi di nowan sma no wani?+ Fu san ede mi musu fringi en nanga den pikin fu en go na ini wan kondre di den no sabi?’+

29 Ai grontapu, grontapu, grontapu, arki san Yehovah abi fu taki.+ 30 Yehovah taki: ’Skrifi taki a man disi o de leki wan man di no abi pikin+ èn taki noiti sani o waka bun gi en. Bika sani no o waka bun gi nowan fu den pikin fu en+ èn den no o sidon na tapu a kownusturu fu David+ fu tiri Yuda.’”