32 Baka wan pisi ten, den bakapikin fu Ruben+ nanga den bakapikin fu Gad+ ben kon abi bun furu meti. Ne den kon si taki den presi Yaeser+ nanga Gilead bun fu kweki meti.

25 Den ben kisi Yaeser,+ ala den foto fu Gilead,+ nanga afu fu a kondre fu den Amonsma,+ te na Arower+ di de na owstusei fu Raba.+

8 Ala den sani di prani na den gron fu Hesbon,+ kon drei. Den basi fu den pipel koti den taki fu den droifibon fu Sibma+ di abi furu redi droifi. Den taki ben doro te na Yaeser+ èn den ben bradi na ini a heri sabana. Den pransun ben gro na ala sei, te na abra a se srefi.

32 Ai, droifibon fu Sibma,+ mi o krei gi yu moro leki fa mi ben krei gi Yaeser.+ Den moi sproiti fu yu abra a se èn den doro te na Yaeser.+ Den sma di e pori ala sani, kon na den froktu+ fu yu di e gro na ini a waran ten fu a yari èn na den droifi di yu piki kaba.+