47 Ma a kontren pe den sma fu a lo fu Dan ben e libi, ben pikin tumusi+ gi den. Ne den opo go feti nanga den sma fu Leisem+ fu teki a foto dati abra èn den kiri ala den sma fu a foto nanga feti-owru. Ne den teki a foto abra èn den go libi drape. Den kenki a nen fu a foto Leisem kon tron Dan, soleki fa na afo fu den ben nen.+

29 Den kenki a nen fu a foto kon tron Dan. Dati ben de a nen fu na afo fu den+ di ben de wan manpikin fu Israel.+ Ma fosi, a foto ben nen Lais.+

10 A ben taki dati a ben o puru a kownukondre na a anu fu Saul en famiri èn taki a ben o meki David tiri Israel nanga Yuda, sobun a heri kontren fu Dan te go miti Berseiba.”+

2 Sobun, David taigi Yoab+ nanga den fesiman fu a pipel: „Mi e begi yu, go teri+ ala sma fu Israel di e tan na ini a heri kontren na mindri Berseiba+ nanga Dan.+ Baka dati un musu kon taigi mi omeni sma de na ini a kondre.”+

5 Sobun, den agri fu seni boskopu+ gi ala Israelsma di ben e libi na mindri Berseiba+ nanga Dan.+ Den ben wani kari den fu kon na Yerusalem fu hori a Paskafesa gi Yehovah, a Gado fu Israel, bika na bun langa kaba a pipel no ben kon makandra fu hori a fesa disi,+ soleki fa a wèt ben e taki.+