51 Te fu kaba Kownu Salomo klari ala a wroko+ di a ben musu du na a oso fu Yehovah. Ne Salomo teki ala a solfru, a gowtu, nanga den sani di en papa David+ ben meki kon santa, dan a tyari den go poti na ini a kamra pe sma ben e kibri den gudu fu na oso fu Yehovah.+

18 Baka dati Asa teki ala a solfru nanga a gowtu di ben tan abra fu den gudu na ini na oso fu Yehovah èn na ini na oso fu Kownu. Dan a gi den sani disi na den futuboi fu en fu tyari den go na Kownu Ben-Hadad,+ a manpikin fu Tabrimon. Tabrimon ben de a manpikin fu Kownu Hesion fu Siria+ di ben e libi na Damaskus.+ Dan Asa seni taigi Ben-Hadad:

15 Dati meki Heskia gi a kownu fu Asiria ala solfru di ben de na ini na oso fu Yehovah+ èn na ini den kamra fu na oso fu Kownu pe a ben e kibri den gudu fu en.+

13 Boiti dati, Nebukadnesar teki den gudu na ini na oso fu Yehovah èn den gudu na ini na oso fu Kownu,+ dan a tyari den go na dorosei. Baka dati a teki ala den gowtu wrokosani+ fu a tempel fu Yehovah, dan a koti den pisipisi. Na Kownu Salomo fu Israel ben meki den sani disi, soleki fa Yehovah ben taki.