21 Dati meki Kownu Sedekia taigi den fu puru Yeremia drape. Ne den sroto en na a Dyari fu den Waktiman.+ Ibri dei den ben go teki wan lontu brede gi Yeremia na a strati fu den bakriman+ teleki nowan brede ben de na ini a foto moro.+ Na so Yeremia tan na a Dyari fu den Waktiman.+

2 „Yehovah taki: ’Feti-owru,+ angri,+ nanga siki o kiri den+ sma di e tan na ini a foto. Ma den wan di e gi densrefi abra na den Kaldeyasma o tan na libi. Den no o dede èn noti no o pasa nanga den.’+

12 Wan grupu sma na ini a foto o dede, fu di siki nanga angri o kiri den.+ Wan tra grupu o dede, fu di feti-owru o kiri den na ala sei fu a foto. Den wan di tan abra mi o panya go na ala sei pe winti e wai,+ dan mi o seni wan feti-owru go na den baka.+

15 Na dorosei fu a foto feti-owru+ o kiri sma èn na inisei takru siki nanga angri o kiri sma.+ Feti-owru o kiri den sma di de na den gron èn angri nanga takru siki o kiri den sma di de na ini a foto.+

21 „Disi na san a Moro Hei Masra Yehovah taki: ’Na dati o pasa tu te mi o gi den sma fu Yerusalem den fo hebi strafu disi:+ mi o seni sma fu kiri den nanga feti-owru, mi o meki den dede fu angri, mi o seni ogri meti gi den èn mi o meki den kisi takru siki.+ Na so mi o kiri den libisma nanga den meti na ini a foto.+