7 Now Yehovah sori ensrefi na Abram èn a taki: „Na den bakapikin+ fu yu, mi o gi a kondre disi.”+ Baka dati a bow wan altari drape gi Yehovah di ben sori ensrefi na en.

15 bika a heri kontren di yu e si, mi o gi yu nanga den bakapikin fu yu. Ala ten a o de fu unu.+

18 A dei dati Yehovah meki wan frubontu nanga Abram.+ A taki: „Mi o gi den bakapikin fu yu a kondre disi.+ Dati na a heri kontren na mindri Egepte-liba nanga a bigi liba di den e kari Eufraat-liba,+

3 Yu musu libi na ini a kondre disi leki wan trakondre sma.+ Mi o de nanga yu èn mi o blesi yu, bika mi o gi yu nanga den bakapikin fu yu ala den kondre disi.+ Mi o du san mi sweri fu du gi yu papa Abraham:+

13 Yehovah ben e tanapu te na tapusei fu a trapu.+ A taki:

„Mi na Yehovah, a Gado fu yu papa Abraham èn a Gado fu Isak.+ Mi o gi yu nanga den bakapikin fu yu a kondre disi nanga a gron pe yu e didon now.+