24 Sma de di lobi fu prati sani èn toku den e kisi moro.+ Yu abi sma tu di gridi fu gi trawan sani, ma na soso pina den o pina.+

13 Efu wan sma e tapu en yesi te wan mofinawan e bari suku yepi,+ dan sma no o piki en tu te ensrefi o bari suku yepi.+

27 A sma di e yepi den pôtiwan no o pina,+ ma sma o fluku a wan di e tapu en ai gi den nowtu fu trawan.+

7 Koloku fu den sma di abi sari-ati gi trawan,+ bika sma o abi sari-ati gi den.

41 A sma di e teki wan profeiti fu di a de wan profeiti, o kisi a pai fu wan profeiti.+ A sma di e teki wan reti-ati sma fu di a de wan reti-ati sma, o kisi a pai fu wan reti-ati sma.+

10 bika Gado no e du sani di no reti. Dati meki a no o frigiti a wroko di unu du nanga a lobi di unu sori gi a nen fu en,+ fu di unu ben dini den santawan+ èn unu e tan dini den te now ete.

13 bika te wan sma no abi a gwenti fu gi trawan pardon, dan Gado no o abi sari-ati nanga a sma dati te a o krutu en.+ Sari-ati e wini krutu.