30 Arki te mi nanga yu pipel Israel e begi+ nanga wi fesi kon na a sei fu a presi disi fu aksi yu fu abi sari-ati nanga wi. Yu di de na hemel,+ a presi pe yu e tan, mi e begi yu fu arki a begi disi. Arki wi èn gi wi pardon.+

20 Mi e begi yu fu poti prakseri+ na a oso disi dei nanga neti. Na fu a presi disi yu ben taki dati na drape sma ben o kari yu nen.+ Sobun, mi e begi yu, arki mi te mi e begi nanga mi fesi kon na a sei fu a presi disi.+

9 ’Efu oiti a pasa so, taki ogri miti wi,+ taki sma kon feti nanga wi, taki den krutu wi, taki wi kon siki,+ noso taki angriten+ kon miti wi, dan wi o kon tanapu na fesi na oso disi+ èn na fesi yu (bika na yu nen+ sma e kari na ini na oso disi). Iya, te den sortu nowtu disi e miti wi, dan wi o kon dyaso fu begi yu fu yepi wi. Dan meki a de so, taki yu yere wi èn frulusu wi.’+