45 Yehovah du ala den sani di a ben pramisi den Israelsma. Ala den sani disi ben kon tru.+

14 We, te fu kaba mi o dede neleki fa ala tra sma na grontapu e dede.+ Unu sabi heri bun taki Yehovah un Gado du ala den bun sani di a ben pramisi unu. Ala den sani disi kon tru, soleki fa unu srefi si. Iya, a du ala den sani di a pramisi.+

11 Na so a de tu nanga den wortu di e komoto na mi mofo.+ Den no o drai kon baka na mi solanga sani no pasa soleki fa mi taki.+ Sani musu pasa soleki fa mi wani+ èn den wortu fu mi musu fu abi bun bakapisi.+

6 Mi ben taigi den bigisma fu unu sortu wèt den musu hori. Mi ben seni den profeiti,+ sobun den futuboi fu mi, fu warskow den san ben o pasa nanga den te den ben o trangayesi den wèt. Ala den sani dati pasa trutru, a no so?’+ Dati meki den drai kon baka èn den taki: ’Yehovah di e tiri den legre du nanga wi soleki fa a ben taki.+ A fasi fa wi ben e tyari wisrefi èn den sani di wi ben e du, meki taki a du dati nanga wi.’”+