19 Un no musu krutu sani na wan kruktu fasi.+ Un no musu teki sei+ te unu e krutu wan afersi. Un no musu teki tyuku, bika tyuku e breni den koniwan+ èn a kan meki wan sma di e du san reti, taki kruktu sani.

23 Na wan kibri fasi, wan ogri krutuman o teki tyuku fu trawan+ fu krutu sani na wan kruka fasi.+

23 Den granman fu unu tranga-ede èn den e wroko makandra nanga den fufuruman.+ Ibriwan fu den lobi teki tyuku+ èn ala ten den wani taki sma musu gi den sani.+ Den no e koti krutu na wan reti fasi gi pikin di no abi papa, èn den no e luku a krutu-afersi fu uma di den masra dede kaba.+

11 Den edeman fu a foto disi e koti krutu, soso te den kisi tyuku.+ Den priester drape e gi leri, soso te sma pai den.+ Den profeiti drape e taki sani na fesi, soso te den e kisi moni.+ Ma toku den e taki dati Yehovah e horibaka gi den. Den e taki: „Yehovah de na wi mindri, a no so?+ Nowan rampu o miti wi.”+

9 Ma efu unu e tan gi a wan sma moro grani leki a trawan,+ dan unu e du wan sondu èn a wèt+ e krutu unu leki sma di no e gi yesi na a wèt.