2 Sma o bradi den na ondro a son, a mun, èn ala tra sani na hemel. Den ben lobi den sani dati, den ben dini den, den ben anbegi den,+ den ben suku yepi na den, èn den ben boigi gi den.+ Sma no o tyari den go beri, ma den o libi den fu tron mèst na tapu a gron.”+

29 Den Kaldeyasma di e feti nanga a foto disi o kon na ini a foto èn den o sutu faya gi en meki a bron te na gron.+ Den o bron den oso pe sma e tyari smoko-ofrandi na tapu den daki gi Bâal èn pe sma e tyari dringi-ofrandi gi tra gado fu di den wani meki mi ati bron.’+

17 Wi o du san wi pramisi.+ Wi o tan tyari smoko-ofrandi gi na umakownu fu hemel+ èn wi o tan tyari dringi-ofrandi+ gi en soleki fa wi,+ den afo fu wi,+ den kownu fu wi,+ nanga den granman fu wi ben gwenti du na ini den foto fu Yuda èn na den strati fu Yerusalem. Na a ten dati wi ben e nyan wi bere furu èn wi ben abi wan switi libi. Nowan rampu ben miti wi.+

5 Boiti dati, mi o kiri den wan di e boigi na tapu den daki fu anbegi den sani na hemel.+ Mi o kiri den wan di e taki dati den e anbegi Yehovah,+ ma na a srefi ten den e boigi+ èn den e meki sweri gi Malkam.+