14 Dan Yehovah taigi mi: „Te den profeiti e taki profeititori na ini mi nen, dan na soso lei den e lei.+ A no mi seni den. Mi no gi den nowan komando èn mi no taigi den noti.+ Den e si fisyun di no tru èn den sani di den e taki na fesi, no o kon tru. Den e taki soso lei.+ Na ati fu den e kori den fu taigi unu profeititori di no o kon tru.+

15 Dan a profeiti Yeremia taigi a profeiti Hananya:+ „Grantangi Hananya, arki! A no Yehovah seni yu, ma na yu meki a pipel bribi a lei disi.+

3 A Moro Hei Masra Yehovah taki: „Helu fu den don+ profeiti di e taki san densrefi e prakseri,+ aladi den no si noti!+

28 Den profeiti tapu den sondu fu den granman, neleki te sma e ferfi wan skotu kon weti.+ Den e fruteri den granman fisyun di no o kon tru+ èn den e lei gi den te den e koti luku.+ Den e taki: „Disi na san a Moro Hei Masra Yehovah taki”, aladi a no Yehovah taki so.