14 Fu dati ede, mi de dya, a sma di o du ete wan kefalek sani nanga a pipel disi.+ A o de wan wondru èn wan sani di sma no si noiti ete. A koni fu den koniman fu den o lasi gowe èn a sabi fu den sabiman fu den no o de moro.”+

15 Bika a pipel disi kon tranga-ede. Den e yere nanga den yesi, ma den no e du san den yere èn den tapu den ai. Disi o meki taki noiti den o man si nanga den ai èn noiti den o man yere nanga den yesi. Den no o man frustan san a wani taki. Na so den no o drai kon baka èn mi no o meki den kon betre.’+

21 Na a srefi momenti dati, Masra ben prisiri pasa marki+ èn santa yeye kon na en tapu. Ne a taki: „Mi e prèise yu na fesi ala sma, mi Tata, Masra fu hemel nanga grontapu, bika yu kibri den sani disi bun gi den koniman+ nanga den sabiman, ma yu meki den nyofiwan kon sabi disi. Iya, mi Tata, na so yu ben wani en.

27 Ma Gado teki den don sani fu grontapu+ fu meki den koni sma kisi syen. Gado teki den swaki sani fu grontapu fu meki den tranga sani kisi syen.+