Psalm
Wan psalm fu David.
28 Yehovah, na yu mi e tan kari.+
Yu na mi Stonbergi. Sobun, mi e begi yu fu arki mi.+
Piki mi,+
So taki mi no abi fu kon de leki den wan di de fu dede.+
2 Arki mi te mi e bari kari yu, iya, te mi begi yu fu yepi mi
Èn te mi e opo mi anu+ go na loktu fu begi go na a sei fu a moro santa presi na ini a tempel fu yu.+
3 No strafu mi makandra nanga den ogri sma èn nanga den sma di e du hati sani nanga trawan.+
Iya, no strafu mi makandra nanga den wan di e taki switi nanga tra sma,+ ma na ini den ati den e prakseri soso ogri.+
4 Strafu den gi den sani di den e du,+
Iya, gi den ogri fu den.+
Strafu ibriwan fu den gi den sani di den e du.+
Pai den gi den eigi ogri.+
5 Den no e poti prakseri na den sani di Yehovah du+
Èn den no e broko den ede nanga den sani di a meki.+
A o broko den saka. A no o horibaka gi den.