Sakaria
11 „Opo den doro fu yu, Libanon,+ so taki faya kan pori den sedrebon+ fu yu. 2 Bari krei, yaneifer-bon, bika a sedrebon fadon. Iya, den maktiwan kisi pori!+ Bari krei, un bigi bon fu Basan, bika a bun bigi busi kisi pori!+ 3 Arki fa den skapuman e bari krei,+ bika den moi weigron fu den kisi pori.+ Arki fa den yongu lew e bari, bika a bigi busibusi na sei Yordan-liba kisi pori.+
4 Disi na san mi Gado Yehovah taki: ’Sorgu den skapu di sma wani kiri.+ 5 Den sma di bai den skapu kiri+ den, ma toku den no kisi strafu.+ Den wan di e seri+ den skapu e taki: „Prèise Yehovah, fu di mi o kon gudu.”+ Den skapuman fu den skapu no abi sari-ati gi den.’+
6 Yehovah taki: ’Mi no o abi sari-ati moro gi den sma di e libi na ini a kondre.+ Mi o meki ala sma basi makandra,+ èn a kownu o basi den tu.+ Den o pori a kondre fu den, èn mi no o frulusu den.’”+
7 Un skapu di sma e pina+ èn di sma wani kiri,+ mi sorgu unu,+ so taki sani kan go bun nanga unu. Dati meki mi teki tu tiki.+ A wan mi kari Prisiri,+ a trawan mi kari Wánfasi.+ Dan mi go luku den skapu. 8 Te fu kaba mi figi dri skapuman puru na ini wán mun,+ fu di mi no ben abi pasensi moro nanga den.+ Densrefi ben tegu gi mi. 9 Dan mi taki: „Mi no o tan sorgu unu.+ Den sma di de fu dede, musu dede tu. Den sma di musu kisi pori, o kisi pori tu.+ Den sma di tan abra, o nyan makandra.”+ 10 Dan mi teki mi tiki di nen Prisiri+ èn mi koti en na pisipisi.+ Mi du dati fu broko a frubontu di mi meki nanga mi pipel.+ 11 Na a dei dati mi broko a frubontu. Den skapu di sma ben e pina+ èn di ben e luku mi,+ kon sabi taki na Yehovah ben taki den sani disi.
12 Dan mi taigi den: „Efu unu wani+ pai mi, dan unu kan du dati. Efu unu no wani pai mi, dan unu no abi fu du dati.” Ne den pai mi dritenti pisi solfru moni.+
13 Baka dati Yehovah taigi mi: „Trowe a moni na a presi pe den e kibri a moni fu a tempel.+ Na a bigi moni disi den feni taki den musu pai mi.”+ Dati meki mi teki den dritenti pisi solfru moni, dan mi trowe den na a presi pe den e kibri moni na a oso fu Yehovah.+
14 Dan mi koti a tra tiki fu mi di nen Wánfasi+ na pisipisi. Mi du dati, so taki Yuda nanga Israel+ no o de wán moro.+
15 Dan Yehovah taigi mi: „Ete wan leisi yu musu teki den wrokosani fu wan skapuman di no e du en wroko bun.+ 16 Mi o meki wan skapuman kon na ini a kondre.+ A no o luku den skapu di de fu dede.+ A no o go suku den yongu skapu, èn a no o dresi den wan di kisi mankeri.+ Efu wan skapu man tan tanapu ete, a no o gi en nyanyan, èn a o nyan den fatuwan.+ A o broko den ondrofutu fu den.+ 17 Helu fu a skapuman fu mi di no e du en wroko bun+ èn di gowe libi den skapu!+ Wan feti-owru o koti en anu nanga en reti ai. En anu o kon drei,+ èn en reti ai o kon dungru trutru.”