Psalm
Wan psalm, wan singi gi a Sabat-dei.
2 Iya, a bun fu singi fu yu bun-ati na mamanten,+
Fu singi na neti fa yu e du ala ten san yu pramisi+
4 Bika den sani di yu e du, Yehovah, e meki mi breiti.
Mi e bari fu prisiri te mi e si den sani di yu meki.+
6 Nowan sma di no abi frustan, kan kon sabi den prakseri fu yu.+
Nowan don sma man frustan den sani disi.+
7 Den ogriwan e sproiti leki grasi+
Èn sani e go bun nanga den sma di e du hati sani nanga trawan.
Ma te fu kaba den o kisi pori fu têgo.+
8 Ma yu, Yehovah, fu têgo yu hei moro ala sma.+
9 Yehovah, luku den feanti fu yu.+
Iya, den feanti fu yu o kisi pori.+
Yu o meki den wan di e du hati sani nanga trawan, panya go na ala sei.+
11 Mi o prisiri te mi e si nanga mi eigi ai san pasa nanga den feanti fu mi.+
Nanga mi eigi yesi mi o yere fa den sma di e opo feti nanga mi, iya, den ogriwan, lasi a strei.
12 Den reti-ati sma o de leki palmbon di e gi bromki.+
Neleki den sedrebon na Libanon, na so den o gro kon bigi.+