Yesaya
46 Bel+ boigi+ èn Neibo beni go na gron. Den popki fu den+ kon de fu den busimeti nanga den osometi. Den de leki wan hebi lai noso leki bagasi gi den meti di weri fu tyari den. 2 Den meti o boigi èn den o beni go na gron, fu di den no man tyari den hebi popki disi. Den gado no man kibri den popki fu den.+ Dati meki den o go na ini katibo.+
3 „Arki mi, un sma fu Yakob nanga ala den Israelsma di tan abra.+ Sensi un tron wan pipel mi tyari unu èn mi sorgu unu leki wan mama.+ 4 Awinsi wan sma kon owru, mi e tan a srefi ala ten.+ Awinsi en ede-wiwiri kon weti, mi o tan horibaka gi en.+ Iya, mi o du wan sani fu horibaka gi en+ èn fu tyari en, so taki a kan kisi frulusu.+
5 Nanga suma unu wani teki mi gersi?+ Unu denki taki wan sma de di de a srefi leki mi? Unu denki taki mi abi speri di gersi mi?+ 6 Yu abi sma di e puru wan lo gowtu na ini den monisaka èn den e wegi wan lo solfru. Den e tyari en gi wan smeti fu a meki wan gado gi den.+ Dan den e saka kindi boigi gi a gado.+ 7 Den e tyari en na tapu den skowru leki wan lai,+ dan den e go poti en na wan spesrutu presi meki a tan tanapu drape. A no e komoto na en presi.+ Awinsi wan sma e bari kari en, a no e piki. Awinsi wan sma de na nowtu, a no e frulusu en.+
8 Un hori disi na prakseri, so taki unu kan kisi deki-ati. Meki a sani disi naki un ati,+ un sondari.+ 9 Memre den fosi sani di pasa langa ten kaba.+ Memre taki mi na Gado.+ Nowan tra Gado no de.+ Nowan sma de leki mi.+ 10 Mi na a sma di e fruteri sensi a bigin san o pasa te fu kaba.+ Na mi e fruteri langa ten na fesi san mi o du na ini a ten di e kon.+ Mi na a sma di e taki: ’Sani musu pasa soleki fa mi bosroiti.+ Mi o du iniwan sani di mi wani.’+ 11 Mi na a sma di e kari wan aka kon fu a presi pe son e opo.+ Iya, mi o kari wan man fu wan farawe kondre kon fu du san mi bosroiti.+ Na mi taki a sani disi èn na mi o meki a pasa trutru.+ Mi teki mi bosroiti kaba èn na dati mi o du tu.+
12 Arki mi, un tranga-ede sma+ di de farawe fu mi retidu.+ 13 Mi tyari mi retidu kon krosibei.+ A no fara moro.+ A frulusu di mi o tyari kon, no o kon lati.+ Mi o tyari frulusu kon na ini Sion èn mi o gi Israel a glori fu mi.”+