Efeisesma

2 Boiti dati, Gado meki unu kon na libi, fu di den fowtu nanga sondu fu unu ben meki unu de leki dede sma.+ 2 Fosi, unu ben e du den sani disi, fu di unu ben e libi leki den sma fu a grontapu disi.+ Unu ben e gi yesi na a tiriman+ fu a yeye fu grontapu. A yeye+ disi na a denki fu grontapu di de leki loktu na wi lontu èn di de na ini den sma di e trangayesi Gado.+ 3 Iya, wan ten ben de di wi ben e libi na den mindri leki sma di ben e du san a skin wani.+ Wi ben e libi soleki fa wi ben e firi+ èn wi ben e du soleki fa wi ben e denki. Fu dati ede, sensi wi gebore, Gado en ati bron nanga wi+ neleki fa en ati bron nanga den tra sma. 4 Ma Gado abi bun furu sari-ati+ èn a lobi wi trutru.+ 5 Fu dati ede a meki wi kon na libi makandra nanga Krestes, aladi den fowtu fu wi ben meki wi de leki dede sma.+ Sobun, na bun-ati fu Gado meki unu kisi frulusu.+ 6 Boiti dati, a meki wi alamala kon na libi+ èn a meki wi alamala teki presi na ini hemel,+ fu di wi de wán nanga Krestes Yesus. 7 Dan a o sori wi bun-ati pasa marki+ na ini den ten di e kon,*+ fu di a abi sari-ati nanga wi di de wán+ nanga Krestes Yesus.

8 Fu tru, na fu di a sori unu a bun-ati disi, meki unu kisi frulusu fu di unu abi bribi.+ A no unu meki disi pasa,+ ma a de wan kado fu Gado.+ 9 Nôno, a no wan sani di unu du,+ meki unu kisi frulusu. Fu dati ede nowan sma musu meki bigi.+ 10 Na Gado meki wi,+ èn fu di wi de wán+ nanga Krestes Yesus, a meki wi fu du bun wroko.+ Gado ben bosroiti na fesi kaba+ san na den bun wroko disi di wi ben o du.

11 Fu dati ede un musu hori na prakseri taki unu na trakondre sma.+ Den wan di besnèi ben taki dati unu na sma di no besnèi.+ 12 Na a ten dati, unu no ben sabi Krestes.+ Unu ben de trakondre sma+ na ini a kondre Israel èn unu no ben de na ini den frubontu di abi fu du nanga a pramisi fu Gado.+ Unu no ben abi nowan howpu+ èn unu no ben sabi Gado na ini grontapu.+ 13 Ma unu di ben de farawe fu Gado fosi, de wán nanga Krestes Yesus now èn a brudu fu Krestes meki taki unu kon krosibei fu Gado.+ 14 Bika na en meki taki wi abi freide.+ En na a sma di meki den tu grupu+ kon tron wán+ èn a broko a skotu+ di ben prati den.+ 15 Nanga en skin+ a puru a sani di ben meki den de feanti.+ A sani dati na a Wèt di abi komando nanga krutubosroiti na ini.+ Na so a meki den tu grupu+ kon de wán grupu di de leki wán nyun sma.+ Iya, fu di den tu grupu disi de wán nanga en, meki a e sorgu taki den abi freide. 16 Nanga yepi fu a pinapostu+ a sorgu tu taki den tu pipel disi kon bun baka nanga Gado.+ Na so den ben kan tron wán skin,+ fu di ensrefi tyari wan kaba kon na a sani di ben meki den de feanti.+ 17 A kon èn a fruteri a bun nyunsu fu freide+ na unu di ben de farawe fu Gado èn na den wan di ben de krosibei+ fu Gado. 18 Bika nanga yepi fu en, wi di de fu ala tu pipel,+ man go+ na a Tata o ten wi wani fu di wi alamala abi a srefi santa yeye.+

19 Fu dati ede, unu a no trakondre sma moro,+ ma unu na kondreman+ fu den santawan+ èn unu na fu na osofamiri fu Gado.+ 20 Unu de leki ston di Gado gebroiki fu bow na tapu a fondamenti+ fu den apostel+ nanga den profeiti,+ èn Krestes Yesus srefi na a moro prenspari ukuston fu a fondamenti.+ 21 Makandra nanga en a heri oso e tron wan santa tempel gi Yehovah+ èn ibri pisi e fiti heri bun na makandra.+ 22 Makandra nanga en,+ unu e tron wan presi gi Gado tu pe a yeye e tan.+