Psalm

110 Yehovah taigi mi Masra:+

„Sidon na mi reti-anusei,+

Teleki mi poti yu feanti leki wan bangi gi yu futu.”+

 2 Komoto te na Sion+ Yehovah o langa a tranga tiriman-tiki+ fu yu kon. A o taki:

„Go na mindri den feanti fu yu èn poti den na yu ondro.”+

 3 Na a dei di yu o tyari a legre fu yu go na feti,+ a pipel+ fu yu o de klariklari+ fu go tu.

Wan grupu yonkuman o horibaka gi yu. Den o de neleki den dowdropu na musudei.+

Sma kan si na den fa santafasi moi.+

 4 Yehovah meki wan sweri+ (èn a no o kenki en prakseri).+ A taki:

„Yu na wan priester fu têgo+

Neleki Melkiseidek!”+

 5 Yehovah de na yu reti-anusei+

Èn a o broko kownu pisipisi na a dei di a o sori na atibron fu en.+

 6 A o strafu den pipel fu grontapu.+

A o meki taki dedeskin de fu si na ala sei.+

A tiriman fu wan kondre pe furu sma e libi, a o broko pisipisi.+

 7 A o dringi watra fu a liba di de na seipasi na ini a lagipresi.+

Dati meki a o opo en ede go na loktu.+