Sefanya
2 Un kon makandra. Kon makandra,+ un pipel di no abi syen.+ 2 Fosi sani pasa soleki fa Gado bosroiti,+ fosi a dei pasa leki aleisibuba di winti wai gowe, fosi Yehovah puru atibron na un tapu,+ fosi a dei fu Yehovah en atibron doro gi unu,+ 3 un musu suku Yehovah,+ ala un safri-ati sma fu grontapu+ di e du san den wèt fu en e taki. Suku retidu,+ suku safri-ati.+ Kande+ unu sa kisi kibri na a dei fu Yehovah en atibron.+ 4 Gasa o tron wan foto pe nowan sma e tan.+ Askelon o tron wan brokopresi.+ Na mindridei den o yagi+ den sma fu Asdod+ gowe. Den o rutu Ekron puru na en presi.+
5 „Helu fu den Kreitisma di e tan na ini a kontren fu a se!+ Yehovah krutu unu. Ai, Kanan, kondre fu den Filisteasma, mi o pori yu èn nowan sma o tan na ini yu.+ 6 A kontren na a se o tron wan weigron.+ A o abi peti gi skapuman èn skapupen fu ston. 7 A kontren dati o kon de fu den sma fu Yuda di tan abra.+ Na fu den gron drape den o nyan. Na ini den oso fu Askelon nofo presi o de fu den tan na neti. Bika Yehovah, a Gado fu den, o poti prakseri na den+ èn a o tyari den katiboman kon baka trutru.”+
8 „Mi yere fa Moab e spotu mi pipel.+ Mi yere fa Amon e kosi mi pipel+ èn fa den gi den porinen. Den e meki bigi taki den o teki a kondre fu mi pipel.” 9 Yehovah di e tiri den legre, a Gado fu Israel, taki: „Neleki fa a de seiker taki mi de na libi,+ na so a de seiker taki Moab o tron leki Sodom+ èn Amon+ o tron leki Gomora. A o tron wan presi pe krasiwiwiri e gro. Fu ala ten a o de wan peti di abi sowtu gron,+ èn wan brokopresi. Den sma di tan abra fu mi pipel, o teki ala den sani fu den èn den o go tan na ini den kondre dati.+ 10 Na disi Moab nanga Amon o kisi leki paiman fu a heimemre di den abi.+ Den ben kosi a pipel fu Yehovah, a Gado di e tiri den legre, èn den ben meki bigi di den taki san den ben o du nanga den.+ 11 Den sani di Yehovah o du nanga den o meki sma frede.+ A o pina ala den gado fu grontapu.+ Dan den pipel o boigi gi en,+ iya, ibriwan fu den o boigi na en presi na tapu ala èilanti pe den e tan.+
12 Un Etiopiasma,+ unu srefi o tron sma di mi kiri nanga feti-owru.+
13 Dan Gado o langa en anu go na noordsei èn a o pori Asiria.+ A o meki Ninefei tron wan brokopresi+ èn wan presi di no abi watra neleki wan sabana. 14 Drape nofo presi o de pe ipi-ipi meti kan tan, iya, ala den busimeti o kon tan drape.+ Na neti den pelikaan-fowru nanga den gindyamaka+ o sribi leti drape na mindri den broko pilari.+ Wan sten o singi doronomo na den fensre. A doro o broko fadon. Ala den moimoi sani na den skotu fu inisei o de fu si.+ 15 Disi na a kefalek foto di ben denki taki nowan ogri ben kan miti en.+ A ben taki na ensrefi: ’Ai mi bigi, nowan trawan de leki mi.’+ Ma luku fa a kon tan! Sma no man bribi san pasa nanga en! Luku fa a kon tron wan presi pe someni busimeti e tan! Ala sma di e pasa en o froiti èn den o seki den ede, fu di den no o bribi san pasa nanga en.”+