11 Na a dei dati Yehovah o langa en anu ete wan leisi+ fu yepi den sma di tan abra fu en pipel. Iya, a o teki den puru fu Asiria,+ fu Egepte,+ fu Patros,+ fu Kus,+ fu Elam,+ fu Sineyar,+ fu Hamat èn fu den tabiki na ini a se.+

7 Yehovah taki: „Un bari fu prisiri gi Yakob. Bari fu prisiri fu di unu hei moro den tra pipel.+ Tyari a boskopu gi ala sma.+ Iya, singi prèisesingi èn taki: ’Grantangi Yehovah, frulusu yu pipel. Frulusu den Israelsma di tan abra.’+

12 Mi o tyari un alamala, iya, ala sma fu Yakob, kon makandra.+ Mi o tyari den Israelsma di tan abra, kon makandra.+ Mi o meki den de wán leki wan ipi skapu na ini wan pen èn leki wan ipi skapu na den weigron.+ Furu babari o de fu yere drape.’+

7 Mi o meki wan tu sma tan abra fu a pipel di ben malengri.+ Mi o meki a pipel di sma ben tyari go farawe, tron wan tranga pipel.+ Yehovah o tiri den leki kownu na tapu Sion-bergi now èn fu ala ten.+

12 Ne Serubabel,+ a manpikin fu Seyaltiyel, nanga Yosua, a manpikin fu Granpriester Yosadak,+ nanga ala den sma di ben tan abra fu a pipel bigin arki Yehovah, a Gado fu den.+ Den arki a profeiti Hagai tu,+ fu di na Yehovah, a Gado fu den, ben seni en kon. Na so a pipel ben kon abi lespeki gi Yehovah.+